KOKOMAN O KATHARO-A KO SAMI'ALLAHU LIMAN HAMIDAH

KOKOMAN O KATHARO-A KO SAMI'ALLAHU LIMAN HAMIDAH


By: Atah P. Ibrahim

Mipantag ko Imam a go so Tarambisa na kailangan a matharo iyan so [ SAMI'ALLAHU LIMAN HAMIDAH RABBANA WALAKAL HAMD ]

Sabap sa giyanan i kiyashambayang o Nabi "saw" na pitharo iyan
[ صلوا كما رأيتموني أصلي ] shambayangkano sa lagid o kiya ilaya niyo ko kiyashambayang akn.

Na so p'man so Ma-mom na adn imanto a mga Ulama a ittgl iran dn so tindg iran a kailangan kon na so Ma-mom na matharo iyan mambo so SAMI'ALLAHU LIMAN HAMIDAH na okon o di niyan matharo na miya ribat, sa aya niyan mambo iph'ndalil na giya miya aloya tano anan a Hadith na rangkom kon.

Tigakn:

Ribat anan a kiya Dalil, so Hadith na Bnar oga-id na da misogat ko Ndalilanon...

So Ma-mom na di khapakay oba niyan tharo-a so SAMI'ALLAHU LIMAN HAMIDAH ka aya bo a p'tharo-on yan na RABBANA WA LAKAL HAMD.

Pitharo o Nabi "saw" [ إذا قال الإمام: سمع الله لمن حمده، فقولوا: ربنا ولك الحمد ]
رواه الترمذي و النسائي و ابن ماجه و صححه الألباني
و رواه الإمام أحمد و قال الأرنؤوط صحيح على شرط الشيخين

Maana: igira a pitharo o Imam a SAMI'ALLAHU LIMAN HAMIDAH, na tharo-a niyo a RABBANA WA LAKAL HAMD.

Na marayag anan a Hadith a sugo-an o Nabi "saw".

TOTHOL PANTAG SII KO PANGNGBAAL SA PAAN AGO SO ISAKO MGA IMAM

TOTHOL PANTAG SII KO PANGNGBAAL SA PAAN AGO SO ISAKO MGA IMAM

By: Muhd Rayyan Hakem

MYAKAISA A ALONGAN NASO IMAM AHMAD BIN HAMBAL "R" NA KABAYAIYAN NA SIISKANYAN MAKANGGAGAWIINA SII SA MASGIT, OGAID NA MYARN SKANYAN OBANYAN OTO MANGGOLA-OLA SABAP KO SOMISYAP SANGKOTO A MASJID, "GUARD" NA PYAGAKOLAANDN O IMAM AHMAD ANGKOTO A "GUARD" NA DANYANDN KAAKOLI, NA TIG O IMAM AHMAD A SAYAAKODN PHAKATOROG SA GYAYA A TITINDGAN AKN!! NA TOMININDG SO "GUARD" KA IPHNDODORYAN A PHPHAKAWATANYNYAN SII SA MASJID!!

NA SO IMAM AHMAD NA SHAIKH SKANYAN A MABTAD " DI PHTHARO SA MADAKL" A MAKIKILALAON SO KABABALOY NIYAN A MALAI PANGKATAN KO ILMO!!

NA MYAILAY SKANYAN O PANGNGBAAL SA PAAN " BAKER" SA GIYOTO A KIPHUPHANOLODNON ANGKOTO A " GUARD SII SA MASJID " NA INIODOKYANON A SIISKANYAN IGA SII SA WALAY ANGKOTO A " BAKER" NA MYONOTON SO IMA'M AHMAD NA PHIZAKASAKAWNYAN NA GO INIPANGALIMOIYAN!

NA KAGYA MASAKAW NYAN SO IMAM AHAMAD, NA SYONGOWANYAN PMAN SO GALBKYAN A DIINYAN KAPAMANGMBAAL SA PAAN!!

AYA IMPORTANTI NA SO IMAM AHAMAD NA PHKHAN-GYAN ANGKOTO A "BAKER" PANGNGBAAL SA PAAN A TANTO A MADAKL I KAPAGISTIGFAR, NA PIZIMAIYANDN NA GYOTODN I SOSOWAAN ANGKOTO A MAMA KO SOLD A KAZIZIMAAON O IMAM AHMAD NA INIKAM'M'SAON OTO O IMAM AHAMAD!!

NA KAGIYA KO MAPITA NA INIZAAN O IMAM AHAMAD ANGKOTO A MAMA PANTAG SA GYOTO A DIINYAN KAPAGISTIGFAR SA MADKL SANGKOTO A GAGAWII ??

NA PITHAROON ANGKOTO A MAMA A TIGYAN A GYANANDN I OLA-OLA AKN KO OMAN AKO MAMANGBAALAN SA PAAN !!

NA TIG O IMAM AHMAD A: INO ADN A MYAONGARKA A MAPYA A GYANAN A OLAOLANGKA?

SO IMAM AHMAD NA INIZAANYAN ANGKOTO A MAMA NA KATAWANYAN SO MGA PIPIYA A ONGA O DII KAPAKANDAKLA KO ISTIGFAR !! NA GO KATAWANYAN SO MGA KALBIHAN YAN !! AGO SO MGA KIPANTAGYAN!!


NA TIG ANGKOTO A MAMA A OWAY ADN A MYAKOWA AKNON A GONA A TANTO A MALA !!! LANGON A PANGNIN AKN SII KO ALLAH NA IPHMBGAY NYAN RAKN !!

SASATIMAMBO SAMANAYA A PANGNIYAKN SII KO ALLAH A DAAKMPN MAKOWA!!

NA TIG O IMAM AHAMAD A ANTONAOTO A PANGNI ???

NA TIGYAN A : SO KAILAYAKN SII KO IMAM AHMAD IBN HAMBAL!!

NA TIG O IMAM AHMAD A SAKN SO IMAM AHMAD BIN HAMBAL! IBT KO ALLAH KA SABAP KO PANGNINGKA KO ALLAH NA KATAYA A BA AKORKADN MINIDUNDG, SA BADN PN MYAKA IGAON SO IMAM AHMAD SA KNABA GYABO A KYAILAYANYANON!!

MASHAALLAH!!! SAYANA A MAPYA SO DII KAPAKANDAKLA SII KO ISTIGFAR SII KO ALLAH KA MALAA TANTO A KAMAPYAAN A KHAPAROLIRON O MUSLEM!!!

Phitharo o allah sii sa Qur'an :{Sa pithAro akn a pangni kano sa rila ko Kadnan iyo ka mataan a Skaniyan na Paririla , (ka amay ka mamangi kano sa rila) na sogoon iyan rkano so oran sa margs (i dogayas), Ago omanan kano niyan sa manga tamok ago manga wata ago bgan kano niyan sa manga asinda ago adnan kano niyan sa manga lawas a ig } soratol nuh ( 10-13).

GYANAN I DALIL SA SO KADAKL A DII KAPAMANGNI SA RILA O MUSLEM SII KO ALLAH " KAPAGISTIGFAR" NA AYA ONGANYAN NA :

1) PAKAPNDAKLNON O ALLAH SO TAMOKYAN.
2) BOLONG SA KABABALK, DI KAPHMBAWATA!! NAGO SO MGA PAD ANAN A MGA ONGANYAN A MAGA PIPIYA! LAGID ANGKOTO A KATATARIMAA KO PANGNI SII KO ALLAH!!

NOTE:

GYANGKOTO A IMAM NA SKANYAN SO IMAM: AHMAD IBN HAMBAL, A IMAM O AHLOSSUNNAH WAL JAMAA. A IKAPAT KO MGA ALA A IMAM O MGA MUSLEM !!!

KOKOMAN O KAMBAGIBAGI-A KO TAMOK A DAPN MATAY SO KHITAMOK

Prince Obinay

slam...

pakaiza aduna mama aduna tam0kiyan na kagiya ko masipatiyan a miyakarin0rondun so kapatay ka miyaloks dn na pimbagi bagi iyan so tam0kiyan ko mga wata iyan ago si kar0maniyan sa daduna biganiyanon a salakaw..in0 ana dosaniyanon ka kagiya daniyandun pakaokita ko kokoman o MAWARITH...?

Atah P. Ibrahim 

Alaikoossalam w.w.

So minggalbk san na di dn mawa so ni-at yan sangkaya a dowa:
( 1.) Mapiya a ni-at ( 2.) Marata a ni-at

1. ) Aya ni-at san a mapiya na opama na ikhawan yan oba siran mbobono sii ko oriyan o kapatay niyan.

Na aya miyasopak yan san na so katharo o Allah sa Qur-an
[ وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا ] سورة النساء
Go so khawan a siranoto a phamatay a adn a khitagakiran a mbawata-an a mga lolobay a ikhawan yan siran na Kalkn iran so Allah go aya tharo-a iran na so mapiya a katharo.

maana: so tao a ikhwan yan oba mga rirido so mga wata iyan ko kapatay niyan ka sabap ko tamok yan odi na ikhawan yan oba kiran maagaw so tamok yan na aya inisugo-on o Allah na [ kalkn yan so Allah go tharo sa mapiya ] knaba pitharo o Allah a mbagibagi-a niyan kiran a dapn matay ka so Allah na aya sugo-an yan na sakali ph'mbagibagi-a so tamok na matay so khitamokon, na aya katharo a mapiya a ptharoon yan kiran na sogo-on yan kiran so mapiya a gyoto so Islam.

2. ) Aya pman a ni-at a marata na oba ino niyan pimbagibagi dn ko mga wata iyan ka aya kabaya iyan na di makambagi-an so pd a mga tonganay niyan ko tamok yan, lagid o ibarat na phatay na adn a mga pagari niyan go adn a mga wata iyan go karoma niyan na pimbagi bagi iyan ko mga wata iyan go karoma niyan so tamok yan ka anon di phaka kowa so mga pagari niyan.

Na miyasopak yan so katharo o Allah sii ko oriyan o kiyapagosaya o Allah ko bagi-an o oman i isa ko tamok o miyatay a tonganay ran na pitharo iyan [ ومن يعص الله ورسوله ويتعد حدوده يدخله نارا خالدا فيها وله عذاب مهين ] سورة النساء
Na sa tao a sopak'n yan so Allah a goso Sugo iyan "makapantag sangkanan a kaphara-il" go lawanan yan so mga limitation a inibtad o Allah na pagologn o Allah sa Naraka sa ron d'n tatap ma tatap go bagi-an yan so Siksa phaka hina, "siksa a phakarondanon a tanto so Manosiya"

AYA PONTOS YAN PAGARI KO NA HARAM ANAN.

gyanan na Ifta i Shaikh ibn Baz rahimahullah...

KOKOMAN O KA CELEBRATE SA BIRTHDAY

KOKOMAN O KA CELEBRATE SA BIRTHDAY


ADN A MIYAKA ISHA:

Antonaa i Hokoman kakan ko Celebrate a Birthday a daniyanon pantagn, Birthday niyan kaga-i na imanto i kiyakhandori iyan? Go ino khapakay so kagretawn?

Ikadowa: Go ino khapakay so ka Celebrate sa New year a English?

S'MBAG:

So ka Celebrate sa Birthday na Haram, salakaw ko kababaloy niyan a Bid'ah na pd oto ko kapananayani ko mga Christian, ka siran i khigalbk san a miya-anad kiran o mga tao, na pitharo o Nabi "saw" [ من تشبه بقوم فهو منهم ] sa tao a pananayanan yan so pagtao na sii kiran p'd.

Na gya angkanan a miya aloy sa pakaisha a da niyanon pantagn ka piyalagoyan yan oba kab'thowi sa birthday na 100% na aya dn a sabap a kiyakhandori iyan na kay birthday niyan kaga-i, na Birthday d'n oto, Haram!

Di niyan katawan na badn miyakala a Dosa niyan ka so Allah i pagakaln yan, baniyan di katawi a katawan o Allah so manini-at yan?

Isa anan ko mga Sipat o mga Yahodi a kiyasabapan sa Kiyasogatiran a Morka a pimbaalan siran o Allah a mga Amo a go mga Baboy.

Inisapar kiran so kapangin'sda a Sapto na aya siwa iran na p'thaan siran sa Pok't a Sapto na khowa-aniran a Akad! Na miyasogat siran a Morka!

Bali giya siwa anan a Tao a omamanti a di niyanon iphantag na kiyasayanan yan so mga Christian ko ka Celebrate sa Birthday na kiyasayanan yan so mga Yahodi sa angkanan a dadabi-atan yan na aya kata-o niyanon na kiyapalagoyan yan so Dosa na takinoba ka badn miyatakp so dosa a khilakolob sa bontal yan!

Sabap san na so Kakan ko Handa iyan go so ka song ko Celebrate yan go so kab'gi ron sa Gift a go greatings na palaya dn HARAM ka phaka ogop ka sangkanan a galbk yan a MARATA!

So p'man so ka CELEBRATE sa New year na English sa Hijri p'n na Haram, Bid'ah anan a go p'd pn sa kapananayani ko mga Soranga ko Agama, na inisapar o Nabi "saw".

و الله أعلم






By: Atah P. Ibrahim

KOKOMAN O KAPAGANADA KO AGAMA ISLAM

KOKOMAN O KAPAGANADA KO AGAMA ISLAM


By: Atah P. Ibrahim

So podi a go bantogan na rk o Allah a kadnan a isaysa a miphantao ko kapur-an o 'Arsh, so Salawat na go Salam na bagi-an o Nabi tano a Muhammad go so mga Sahaba niyan ago mga Pamilya niyan a mga tao a pagalongan o salakaw disalakaw ko dii kaphagagama.

So Katao "Ilmo" makapantag ko kokoman o kapaganadawn na dowa barang:

1. Fardho Kifayah: aya Fardho Kifaya na Wajib anan a o nggalbka o sabaad ko mga Muslim na di khadosa so dawn nggalbk, na o da a nggalb'kon na langon miyadosa so mga Muslim.

2. Fardho 'Ayn: aya Fardho 'Ayn na so Wajib dn ko oman i isa a Musli, Babay Mama na wajib a manggalbk yan.

na aya mga Ilmo a Fardho 'Ayn so kapaganadawn na so Okit a kinggolalan'n ko mga Simba, basta a Simba a Wajib na Fardho 'Ayn a kapagadawn na odi paganada o Muslim na miyadosa, Lagid o okit a kashambayang.

Basta a Simba a kailangan dn a manggalbk ka na Fardho 'Ayn a kokoman o kinggolalan'n kawn.

Na so kadaklan ko mga Ilmo na Fardho Kifayah so kapaganadawn.

So kapaganad sa Ilmo na pd anan ko mga pipiya a simba ko Allah, go pd anan ko Jihad sa lalan ko Allah, pitharo o Nabi "saw" [ من خرج في طلب العلم فهو قي سبيل الله حتى يرجع ... رواه الترمذي ] sa tao a "lomiyo" lomalakaw sa pantag sa kathontot sa Ilmo na sii skaniyan sa Lalan ko Allah taman sa di mbalingan "komasoy".

Batabo labaw ron sa masa tano imanto a tanto dn a Mindakl so mga Bid'ah, mindakl so mga tao a diinggalbk sa Bid'ah, mindakl so mga Tao a aya ip'phanoloniran ko mga Tao na so Bid'ah, na mindakl dn mambo so ka-ignorante ko Agama, mindakl so mga tao a apya so katharo-a ko LA ILAHA ILLALLAH [ لا إله إلا الله ] na diiran khasowa, na makin mawto pn a kababaloy iran a ignorante ko Agama na mga papasang pn i kambitiyara makapantag ko Agama, na miyadadag siran na miyakadadag siran pn, go mindakl so dii kaphapawala o mga Tao sabap ko kakhokorang o sabot ko Agama.

Na giyangkai a tlo Barang a miya aloy tano na miyabaloy tano [ 1. kiyandakl o Bid'ah, 2. kiyapakalawlad o kadaa sabot ko Agama, 3. kiyandakl o mga Tao a p'phangokom sa dii niyan katawan ] na miyabaloy niyan so kapaganada ko Agama a tanto dn a kailangan ko oma i isa a Muslim sabap sa kailangan tano so mga Tao somasabot ko Agama ka an kabulongi angkai a kapakmbaba-oman o Agama Islam ko dii tano kapaging'd ka gophoon ayandakl so mga Tao a p'phaminasa na phakalawlad so kandosa na khada so titho a Agama a mini talingoma o Nabi "saw".


Kailangan tano so kasabota tano ko Agama ka antano mabaton sa kababawan so Omat tano, antano ka-ompiya-i so miyabinasa ko dii tano kaphaging'd sabap ko dii kandosa o mga Tao a disomasabot ko Agama a go so mga Tao a miyaganad sa Ilmo a badn miyaka ibarat sa somiyagb sa ig na aya miyasagb yan na L'bog a ig a o maka inom kawn na khasabapan sa bangkadn kaprayor.

Pitharo o Nabi "saw" [ بدأ الإسلام غريبا و سيعود غريبا كما بدأ فطوبى للغرباء ، قالوا من هم يا رسول الله؟ قال: الذين يصلحون إذا فسد الناس ... رواه مسلم ] miyanagipoon so Islam sa ikksa "strange" na ph'mbalingan a ikksa sa lagid o kiyapanagipoon yan, na sayana a miyagontong so mga tao a ikksa "strangers", na pitharo o mga Sahaba "ra" : Antaa siran ya Rasulallah? na tigyan a siran so mga Tao a p'phangompiya odi na thatagompiya igira a mimbinasa odi na miyabinasa so mga Tao.


Go so mga Tao a miyamaganad sa Ilmo na siran so mga tao a biyantog o Allah sa Qur-an a go biyantog o Nabi tano a Muhammad "saw"

Pitharo o Allah sa Qur-an [ إنما يخشى الله من عباده العلماء ... سورة فاطر ] mataan a ayabo man a tao a ikakalk yan so Allah na so mga ala i sabot ko Agama.

Go pitharo iyan pn [ هل يستوي الذين يعلمون و الذين لا يعلمون ... سورة الزمر ] ba maka ph'lagid so miyamakasowa a go damamaka sowa?

Go pitharo o Nabi "saw" [ من يرد الله به خيرا يفقهه في الدين و إنما العلم بالتعلم ... رواه البخاري ] sa tao a kabaya o Allah a makowa a mapiya na phakisabotan yanon so Agama, go mataan a ayaboman a kashabota ko Agama na maka okit sa kapaganad.

Go pitharo iyan pn [ من سلك طريقاً يلتمس فيه علماً سهل الله له به طريقاً إلى الجنة ... رواه مسلم ] sa tao a mokit ko Lalan "lomalakaw" sa pantag bo sa phangdg sa Ilmo, na l'bod'non o Allah sa Lalan a khitompa "khisold" sa Sorga.


Na pd ko mga Ilmo a Fardho 'Ayn a kapaganadawn na so Okit a kabatiya sa Qur-an, sabap sa so Qur-an na katharo anan o Allah, na omangkawn maribat ko kaph'mbatiya-angkawn na masaling so Maana niyan na o maalin so Maana o katharo o Allah na miyadosa so Manosiya.

Go so Fatiha na Rokon anan o Sambayang, na odi mabatiya o Tao sa correct so Fatiha ko kap'shambayang yan na Batal so Sambayang yan.

Sabap san na Wajib "Fardho 'Ayn" so kapaganada ko kabatiya sa Qur-an.

Ogaid na mbida pman so Tao a p'kharibat ko kabatiya sa Qur-an a pananagontamanan yan i kasowa-a niyanon a go so tao a di phaganad, aya madodosa na so Tao a di niyan phaganad'n ka Fardho 'Ayn so kapaganadawn na miyadosa ka da panagontaman sa kapaka paganad yan na miyatiya pman sa Qur-an na miyadosa pman ka miyangariribat pman ko kabatiya a ko katharo o Allah.

Pitharo o Nabi "saw" [ الْمَاهِرُ بِالْقُرْآنِ مَعَ السَّفَرَةِ الْكِرَامِ الْبَرَرَةِ، وَالَّذِي يَقْرَأُ الْقُرْآنَ وَيَتَتَعْتَعُ فِيهِ، وَهُوَ عَلَيْهِ شَاقٌّ، لَهُ أَجْرَانِ ... رواه مسلم و البخاري نحوه ] so mapasang "biyaksa" ko Qur-an na tagpda o mga Mala-ikat a mga ala i Simba, na so pman so tao a ph'mbatiya sa Qur-an a diiyon thang'ndod go p'khapasanganon na bagi-an yan so dowa a Balas.

Dowa i balas so mananagontaman : 1. balas o kabatiya sa Qur-an, 2. balas o panagontaman yan.

Maka sabap san na Managontaman tano mga pagari ami ko kasabota tano ko Agama tano, go managontaman tano sa kasowa-a tano ko kabatiya-a ko katharo o Kadnan tano, Panagontamanan tano so kasabota tano ko Qur-an.


Phakawriyan ko ron: 

Pitharo o Nabi "saw" [ خيركم من تعلم القرآن و علمه ... رواه البخاري ] aya pirmo rkano "daa ona-an yan sa kapiya" a tao na so piyaganad yan so Qur-an go inipamang'ndao niyan.


Wassalamo 'Alaikom w.w.

SO WATOR A DIYAPO-AN KON O NABI "SAW" SII KO KAPHAG MI'RAJ YAN

SO WATOR A DIYAPO-AN KON O NABI "SAW" SII KO KAPHAG MI'RAJ YAN

By: Atah P. Ibrahim

Madakl a totholan sa Wator anan a miyapadlm ko pamikiran o mga Manosiya a dadn a bawn bnar, adn a dii tharo a gyanan ko a Wator na maaalangalang ka gowani ko phag mi'raj so Nabi "saw" na pagonoton, go adn a dii tharo a adn kon a sindaw niyan, go so Salakaw san a mga totholan, na dadn a bnar san.

Pitharo i Shaikh Al-Islam Ibn Taymiyyah rahimahullah [ knaba anan mga bnar a totholan ]

Odangka maylay so Wator na chance ka inin a maylayngka, giyangkai a Wator na dadn a ba niyan kibibida ko mga pd a wator, apiya sakn na pd ako a miya akal o mga tothol na imanto akn pn makdg so bnar, katan so Tuladan o Wator.

Aya kala a wator anan na kawlad yan na 13/18 mtrs, na kapuro iyan na mga 2 mtrs.

Na an masiyap a angkanan Wator a di mabinasa na pimbalayan o Khalifa a si Alwaleed ibn Abdulmalik sa atp a ishiyapon.

Na aya atp a wator anan na giya angkaya a shisikat imanto a Masjid a Binaning i Kubo a ph'mb'thowan a tao sa Masjidol Aqsa na knaba gyanan i Masjidol Aqsa ka matag anan Atp o Wator.

Aya Masjidol Aqsa a pimbalay o Nabi Ya'qoob "as" a ini taros o Solaiman "as" na obay a Atp anan a Wator "Dome of the Rock" sa katan so tuladan na pakala-a niyo ka khisosoratan akn na aniyo maylay.


Aya sabap sa kiyatago sa Pamikiran o mga Muslim a aya Masjidol Aqsa na gya angkanan Binaning i Kubo a i aatp sa Wator na sabap ko mga Yahodie a pimomorkaan o Allah.

Plano iran a mbinasaan odi na nggbaaniran a Masjidol Aqsa, sa imanto na kamomolowan a kap'khaloti iranon sa didalm ka an migald na taman imanto na dakiran dn bgan o Allah oba iran mabinasa.

Na an di phaka react so mga Muslim amay ka magba iran a Masjidol Asqa na siyogo iran so mga Media a ipalabas iran sa Doniya a aya Masjidol Aqsa na gya Binaning anan i Kubo ka an mapapadalm sa ginawa o mga Muslim a taman imanto na mapiya pn i Paras a Masjidol Aqsa, na miya-akal tano dn mambo o mga yahodi.

Na khailayngka sa marayag sii sa angkanan a Tuladan a kiyaronot a Masjidol Aqsa na gya binaning anan i Kubo na tanto a makatatanos i bontal.

Ya Allah na sogatangka dn a Morka so mga Yahodie... Aameen...

SO KIYA PAG ISRA A GO MI'RAJ O NABI "SAW"

SO KIYA PAG ISRA A GO MI'RAJ O NABI "SAW"


By: Atah P. Ibrahim

Isra: aya maana a Isra na so kalalakaw a gagawii, na aya maana a Isra o Nabi "saw" na so kiyapakasongawn o Allah a gagawii sa Masjid Al-Aqsa.

Mi'raj: giyanan so kiyapakasonga o Allah ko Nabi "saw" sa Langit.



Da pagayonayoni o mga Ulama o anda i kiya olawla o Isra a go Mi'raj, na aya mabagr a tindg na sii ko oriyan o kiyapatay o Bapa iyan a Abu Talib a go so kiyapatay o Karoma niyan a Khadija, ka pd a hikma sa kiyapakasongawn o Allah sa Langit na an kalbati so Rata a ginaawa niyan.

So kiyapakasonga o Allah ko Nabi "saw" sa Masjid Al-Aqsa a go sa Langit sii ko sold bo o Gagawii na miyakalala anan a Ayat o Allah, Tanda sa kaphaka gaga o Allah.

Pitharo o Allah sa Qur-an 

[ Miasotisoti so piakapanglm Iyan so oripn Iyan sa kagagawii phoon sa al Masjid al Harām na taman ko masjid a mawatan "Masjid Al-Aqsa" a so piakambarakat Ami so mlilibta on ka phakiilay Ami ron so pd ko manga tanda Ami ]

Soratol Isra, Ayat 01

Pitharo o Nabi "saw"

[ Kiyalkaan so atp o Walay akn "a gagawii" a sii ko pagltan o kapaka-anaw akn a go katuturoga rakn sii sa Makkah na miyaka oma so Jibreel "as" a adn a pdiyan a dowa "miya aloy gyoto so Mika-eel a go so Esrafeel" "as" na inowit ako iran a maawid skaniyan sa Palanggana a Bolawan na likaan yan "inabriyan" yan a Rarb akn, na inonaban yan a Puso akn sa ig a ZamZam oriyan yan na piyakathikop yan bo a Rarb akn go pino iran a Ilmo "Ongangn" a go Paratiyaya.

Oriyan yan na inowit iran rakn a Pangangayam'n a Mayto a di so Baghl "aya Baghl na mistiso a Koda a go Himar na aya Himar na Donkey" go Mala a diso Himar. ( Gyoto so Boraq ) a Aya Color yan na Maputi, na miyag'da ako ron "kagiya kon a phagda-on so Nabi "saw" na di pagyog na tiyampiling o Jibreel "as" a pitharo iyan: dadn a miyaka pagda rka go dadn a maka phagda rka a lawan sa phagda rka inin sa pangkatan, go aya tigiyan a Kagaan yan na sadn sa pkhawma a mata niyan na khala iyan i katpak.

Oriyan yan na somiyong kami dn a tigo Nabi "saw" sa Masjid Al-Maqdis "Al-Aqsa" na ini tambd akn so Boraq sii ko p'thambdanon o miyanga Oona a Nabi.

Na somiyold ako sa Masjidol Aqsa na miyawma akn roo so mga Nabi a go mga Rasul na piyagimaman akn siran.

Oriyan yan na lominiyo ako na in-natan ako o Jebreel "as" sa Alak a go Gatas a go T'n'b na so Gatas i kinowa akn, na tigo Jebreel "as" a miyakapili ka, Miyapili ika so iniganat sa Dalm a Kandang.

Oriyan yan na kiyaptan yan a Lima akn na Miyangimpuro-an kami dn sa Langit, na kagiya ko makawma kami ko paganay a Langit na tig o Jibreel "as" ko Sasarigan ko Paytaw o Langit a lkai ako niyo, na tigyan: antaaka? tigyan a sakn so Jibreel "as", n atigyan a ba adn a pd ka? tigyan a Oway pd akn so Muhammad "saw" na tigyan a ba kiyasogo-an a pagowitn ka sii? tig o Jibreel "as" a Oway, na Likaan kami iran.

Na kagiya a maka sold kami na miya ilay akn a Mama a Mo-ontod a adn a Sagurompong ko Kawanan yan a go adn a Sagurompong ko Diwang yan, Igira a miyakadingil sa Kawanan na maka sing, na maka dingila sa diwang na maka gora-ok, na tig yan a Marhaban "Bulos" ka Nabi a Mapiya go Wata a Mapiya, na tigakn ko Jibreel "as" a antaa san? tigyan a gyanan so Adam "as" na gya sagurompong anan sa kawanan yan na gyanan so phamaka sorga ko mga Mbawataan yan na igira a kiyadingilan yan siran na p'phaka singa na giya sagurompong anan sa diwang yan na gyanan so phamaka Naraka ko mga mbawataan yan na igira a kiyadingilan yan siran na p'phaka gora-ok, Songowingka na gongka Salama.

Oriyan yan na miyangimpuro-an kami pman ko ikadowa a Langit, na Miyawma ami roo so Yahya "as" a go so 'Eisa "as" ( th'ngd siran minsan ) na pitharo o Jibreel "as" a gyanan so Yahya "as" a go so 'Eisa "as" na salamangka siran na siyalam akn siran na tigiran a Bulos ka Pagariya a mapiya go Nabi a mapiya.

Oriyan yan na miyangimpuro-an kami pman ko ika tlo a Langit na miyawma ami roo so Yosof "as" na tig o Jibreel a gyanan so Yosof "as" na salamangka na siyalam akn, na tigyan a Bulos ka Pagariya a mapiya go Nabi a mapiya.

Oriyan yan na miyangimpuro-an kami pman ko ikapat a Langit na miyawma ami roo so Edris "as" na tig o Jibreel "as" a gyanan so Edris "as" na salamangka na siyalam akn, na tigyan a Bulos ka Pagariya a Mapiya go Nabi a Mapiya.

Oriyan yan na miyangimpuro-an kami pman ko ika lima a Langit na miyawma ami roo so Haron "as" na tig o Jibreel a gyanan so Haron "as" na salamangka na siyalam akn, na tigyan a Bulos ka Pagariya a mapiya go Nabi a mapiya.

Oriyan yan na miyangimpuro-an kami pman ko ika n'm a Langit na miyawma ami roo so Mosa "as" na tig o Jibreel "as" a gyanan so Mosa "as" na salamangka na siyalam akn, na tigyan a Bulos ka pagariya a mapiya go Nabi a mapiya.

Na linipos ami dn na kagiya malipos ami na miyaka Gora-ok, na inisha-an o ino nggora-ok na tigyan a: gyanan so Muhammad "saw" a siyogo o Allah sii ko Omat a oriyan akn na mas madakl a phakasold sa Sorga a Omat yan a di sakn.

[ i say: ilaya niyo dn so Limo o mga Nabi ko mga omat iran, dii siran mlalawana o antaa i mas madakl i Omat a phakasold sa Sorga ]

Oriyan yan na miyangimpuro-an kami pman ko ika pito a Langit na miyawma ami roo so Ibrahim "as" na tig o Jibreel "as" a gyanan so Ibrahim "as" na salamangka na siyalam akn, na tigyan a Bulos ka Wata a mapiya go Nabi a mapiya.

So Ibrahim "as" na rom'r'nda ko [ ALBAYTOL MA'MOOR ] na ini-isha akn ko Jibreel "as" o antonaa oto na tigyan a gyanan so Baytol Ma'moor a diisan shambayang so Pitopulo Nggibo a Mala-ikat oman dn gawii na sa p'phaka sold san a Mala-ikat na maka liyo ron na diyon dn phaka sold sharoman.

[ i say: tanto a madakl so mala-ikat o Allah, oman gawii na 70,000 a mala-ikat a pshold roo na so sholdon imanto na salakaw ko sholdon mapita na oman gawii na 70,000 na miyaka pira dn gawii ipoon ko kiya adna kiran? ] MashaAllah...

Oriyan yan na mini Puro kami sa [ SIDRATUL MONTAHA ] a miphanga oolad i ra-on, na miyakarani so Allah, Na miaadn a diankaa lawag a dowa a pana odi na mas marani Na iniwahi niyan rakn (a Allāh) so nganin a ipagwahi Niyan rakn.

[ i say: pd anan sa Dalil sa so Allah na sii sa Puro ]

Na ini wahi niyan rakn a kini sugo-on yan ko Omat akn ko Lima Pulo "50" a sambayang sii ko Oman gawii.

Oriyan yan na tomipad kami na siyagadan ami so Mosa "as" na tigyan a hay Muhammad antona a i inisugo rka o Kadnan ka? na tigakn a lima pulo a sambayang ko oman gawii.

na tigo Mosa “sa” a kasoy ka ko kadnan na ka na pangniyangkawn a lbati niyan anan ka di khagaga o Omat ka, na diningilan o Nabi “saw” so JIbrila “as” sa aya maana na p’phangni ron sa Musawir, na mithiniyas so JIbril “as” sa opama na Oway o kabaya aka! NA INIPURO IYAN SO NABI “SAW” SII KO ALLAH.

na tigo Nabi "saw" ya Allah na lbatingka a Lima pulo aya ka di khagaga o Omat akn, na libatan yan sa Sapulo.

Na tumipad siran pman na siyagadan yan pman so Mosa "as" na pitharo iyanon pman so lagid o pitharo iyanon na Komiyasoy pman so Nabi "saw" na miyamak pira maka kasoy ko Allah sa Puro taman sa mimbaloy a LIMA "5" a wakto ko oman gawii.

Giyanan i Pontosan o totholan ko kiya pag ISRA a go MI'RAJ o Nabi tano a Muhammad "saw"

na sii bo anan miya olawla ko sold o sagawii [ after 'Isha - before Fajr ] sa aya Panarima tano a mga Ahlussunnah na pure dn anan a miya olawla a sodn so Badan o Nabi "saw" i miyakasong sa langit. so sabaadn a mga dadag a mga tao na matag kon bo taginp'n na kabokhaganiran anan ka aya kiyatharo-a iran sa matag bo anan tagin'p'n na oongkirn iran oba so Allah na sii sa Puro.

Na aya panarima tano a mga Ahlussunnah na so Allah na sii sa Puro, miya pagosay tano anan ko miya Una, kataya so Link yan na bisita a niyo :

http://pangdgkasabnar9.blogspot.com/2011/12/so-allah-na-sii-ko-puro-o-arsh-by-abu.html

Giya mapontok anan a totholan na sii tano inabat ko Kitab a:

الإسراء والمعراج وذكر أحاديثهما وتخريجها وبيان صحيحها

أبو عبد الرحمن محمد ناصر الدين، بن الحاج نوح بن نجاتي بن آدم، الأشقودري الألباني المتوفى: 1420هـ

TOTHOLAN KO MAMA A MIYAKAPATAY SA 99 KA TAO

TOTHOLAN KO MAMA A MIYAKAPATAY SA 99 KA TAO


By: Atah P. Ibrahim

Pitharo o Nabi "saw"

[ Adn a sakatao a Mama a pd ko mbawata-an o Isra-eel, "aya Esra-eel na so Nabi Ya'qoob "as" na angkawto a Mama na miyakapatay sa Siyaw pulo a go Siyaw "99" a Mama, na miyapikir yan a p'thawbat na somiyong ko sakatao a Imam, na inisha-an yan; Hay Imam ino phakatawbat ako pn? tigo Imam a dikadn maka tawbat!

Na Biyono iyan, na mimbaloy a Magatos katao a miyapatay niyan "100"

Na miyangingisha miyangingisha dn a angkawto a Mama, na adn a kiya isha-an yan a Mama, na tigo Mama a o titho ka a pthawbat na songka sa angkaya a Ingd.

( adn a Ingd a Kadaklan a tao ron na mga ala on so Agama na inituro-on i aki oto )

Na somiyong a angkawto a Mama sa Ingd oto, na kagiya ko kapapantagan sa Lalan na miyawm a Kapatay.

Na miyapagagaw mga Mala-ikat a Sorga a go mga Mala-kat a Naraka.

( Khowaan o mga Mala-kat sa Sorga kagiya manini-at yan a p'thawbat ma khowa-an mambo o mga Mala-ikat sa Naraka kagiya dapn maka tawbat )

Na pitharo o Allah sa angkawto a mga Mala-ikat a taksa iran a angkawto a Darpa a kiyatamanan ko Mama, anda Marani ko dowa a Ingd ( ingd a Baradosa a Tao ron go Ingd a mga Ala i Kalk ko Allah a Tao ron )

Na tiyaks o mga Mala-kat na mas Marani sa Sarangaw ko Ingd a p'shongowan yan ( Mapiya a Ingd ).

Na Rinila-an skaniyan o Allah ]...

Hadith a Piyanothol i Bukhari.

Khakowawn a Gona:

1. Taralbi so kababaling ko Ingd a mga ala i kalk ko Agama so tao ron.
2. Igira a sii ka mababaling ko Ingd a Baradosa a Tao ron na Taralbi so Katugalin ko Ingd a Mapiya a Tao ron.
3. So dosa na apiya i Kala iyan na asar a pure a pthawbat so Manosiya na Prilaan o Allah.

KOKOMAN O KIPORO-ON SA LIMA KO ORIYAN O SAMBAYANG A PARALO

KOKOMAN O KIPORO-ON SA LIMA KO ORIYAN O SAMBAYANG A PARALO


By: Atah P. Ibrahim


SO KIPOROON KO MBALA A LIMA SII KO ORIYAN O SAMBAYANG A PARALO NA BID'AH

Adn a sabaad ko mga pagariya a miyamaganad sa Ilmo a aya kabasa iran na adn kon a mga Ulama a Salaf sa masa imanto a paka rarata-aniran so kanodowa-a sii ko Oriyan o Paralo a Sambayang.

i say:

[ Paganay ron na aya mga Salaf na so mga Ahlussunnah Waljama'ah ]

Angkanan a katharo na maka liliyo sa goris, dad'n a Ulama a Salaf a ba niyan pitharo a Marata odi na Bid'ah so kandowa-a sii ko oriyan o Paralo ka piyagayonayonan so kababaloy o kandowa-a sii ko oriyan o Paralo a Sunnah.

na so katharoa sangkanan a katharo na makasisilay, na di kailangan sa s'mbag ka tanto a marayag so kariribat yan, opama ka b'nar na toro-on yan i Kitab a kiyabatiya-aniyanon a Bid'ah so kandowa-a sii ko Oriyan o Sambayang.

pakambida-an tano so Kipuroon ko lima a go so kandowa-a.

Aya piyakarata na so kipuro-on ko dowambala a Lima sii ko oriyan o Paralo a Sambayang sa kandowa-a, ka giyanan na Bid'ah.

http://www.binbaz.org.sa/mat/10191

na Pitharo iran:

[ So kapakararataa o saba-ad a mga tao ko kiporoon ko mbala a lima sii ko kandowaa ko oriyan o sambayang na DADUN a bayranon Dalil a phoon sa Qur-an ago sa Hadith odi na sa IJMA a ba inisapar o Nabi so kiporoon ko Lima sii ko kandowaa ko oriyan o sambayang... dadun a dalil aba pitharo o nabi a diniyo phoroon a mbala a lima niyo ko oriyan o paralo a sambayang ]

i say:

langon a Bid'ah mga oripn o Allah na da maaloy o Nabi "saw" oba Bid'ah, lagid o ka Celebrate sa Araw ng mga Puso na Bid'ah na ba miya aloy o Nabi "saw" a [ so Araw ng mga Puso na Bid'ah ] ???

so kiyapaka rata o Bid'ah na rangkom a Dalil yan...

pitharo o Nabi "saw" [ إياكم و المحدثات فإن كل محدثة بدعة و كل بدعة ضلالة و كل ضلالة في النار ]

maana: pananggila-i niyo so langon a phangibago, ka mataan a so langon a phangibago "ko agama" na Bid'ah, na so langon o Bid'ah na kadadagan, na so langon o kadadagan na sii ko Naraka ] hadith

go pitharo iyan pn : [ من عمل عملا ليس عليه أمرنا فهو رد ]

maana: sa tao a nggalbk sa galbk a da ko sugo-an ami "da ami manggalbk" na di thari-maan "da a bali niyan" ] hadith

na aya Dalil sa Bid'ah a angkanan a kiporoon ko dowambala a Lima sii ko Oriyan a Paralo a Sambayang na da nggalbka o Nabi "saw" go da nggalb'ka o mga Sahaba "ra"

so kiporo-on ko dowambala a Lima sii ko kapangni na sabap a kalbod a katarima-a ko pangni, na sii ko mga pd a kandowa-a na Sunnah a mipuro o taw a dowambala a Lima niyan ka an malbod a katarima o pangni niyan, knaba aya maana o Lalag na so kapangni na kailangan na mipupuro oka a Limangka.

Aya kiphoro-on sa Lima na sii ko mga pd a Masa.

miya aloy sa Hadith

كان النبي -صلى الله عليه وسلم- إذا حدث حادث رفع يديه ودعا، وهكذا إذا طلب منه بعض أصحابه يدعو رفع يديه ودعا عليه الصلاة والسلام، ودعا في الاستسقاء ورفع يديه عليه الصلاة والسلام

so Nabi "saw" na igira a adn a miya olawla na ip'phuro iyan a dowambala a Lima niyan na dii ndowa-a, go igira a piyangni ron o mga Sahaba "ra" a kapamangni niyan ko Allah na ip'phuro iyan a Lima niyan, go sii ko Salatol-istisqa "kapamangni sa oran"

Na so sii ko Oriyan o Paralo a Sambayang na dad'n a miya aloya a Hadith oba so Nabi "saw" na ini puro iyanon a dowambala a Lima niyan, taman sa kiyapatay niyan na da niyan dn mi puro a Lima niyan ko Oriyan o Sambayang a Paralo.

na knaba aya maana niyan na dika ph'ndowa-a, ph'nodwa-a ka ko oriyan o Paralo na dingka phoro-on a limangka ka gyoto i Sunnah a inokitan o Nabi "saw"

na so p'tharo sa so kipuro-on sa Lima ko oriyan o sambayang a Paralo na knaba Bid'ah na b'gay sa Dalil a phoon sa Hadith a so Nabi "saw" na ini puro iyan a Lima niyan ko oriyan o Paralo!!!

ka giyanan na Simba, na sii sa Islamic Ruling na so mga Simba na aya paka asal yan na Haram taman sa da a maaloy a Dalil sa kiya baloy niyan a pd ko Agama.

الأصل في العبادات التحريم حتى يرد دليل

So p'man so miya aloy iran a Qa'idah a kataya skaniyan:

إن العام يبقى على عمومه حتى يرد دليل بالتخصيص

Maana: "So Dalil a Romarangkom na didun maririntas a kababaloy niyan a rangkom sa taman sa daa makagumao a dalil a KHAS a mbatalun iyan so kapakararangkom o Dalil a AAM."

i say:

Bnar anan, na adn man a Dalil ka giya angkanan a piyagosay tano sa Puro na maliwanag anan a Dalil.

aya Dalil a Khas "Map'p'nto" na giya angkanan a so Nabi "saw" na da niyan puro-on a Lima niyan ko oriyan o Paralo.

So kababaloy o kipuro-on ko Lima a sabap a katarima-a ko Pangnin na 'Aam, "rangkom" na miya p'nto "khas" so oriyan o Paralo a Sambayang sa angkanan a Rangkom "Aam"

NOTE: Lagid anan sa kokoman so kandowa-a sii ko Khotba sa Jum'ah.

KATAYA SO DALIL O SABA-AD A SOKON SO NABI "SAW" NA IP'PHORO IYAN A LIMA NIYAN KO ORIYAN O SAMBAYANG, NA DI AYA KHAPAKAYAN A DALIL, SA KATAYA SO RAYAGAN YAN:

Pitharo iran:

[ Miyakathitayan ko Mohammad Bin Yahya Al-Aslami a pitharo iyan a miyailay akun so Abdullah Bin Az-Zubayr a adun a miyailay niyan a mama a ipoporo iyan a mbala a lima niyan (sa gii niyan di kandowa'a) sii ko da niyan pun kapasada ko sambayang iyan. na sii ko kiyapakapasad iyan (zambayang) na piharo iyan (so Abdullah Bin Az-Zubayr): "mata-an a so Rasolollah (s.a.w.) na diniyan dun iphoro a mbala a lima (sii ko kandowa'a) sa taman sa gii niyan mapasad so sambayang iyan." ]

قال السيوطي في رسالته فض الوعاء: رجاله ثقات

I say:

Aya pitharo iyan na [ mata-an a so Rasulullah(saws) na di niyan dn iphoro a mbala a lima (sii ko kandowa'a) sa taman sa gii niyan mapasad so sambayang iyan ]

ino ba aya maana anan na makapasad shambayang na iphuro iyan sa direct a Lima niyan?

ika dowa: gya Hadith anan na da Maka tana, Paralo o Sunat.

ikatlo: gya angkanan a Hadith na Dha'if a Haith, di khapakay a i Dalil ka Dha'if.

Bnar a Pitharo i Haythamie a go si Soyotue a gyanan a Hadith na so miyamanotholon na mga tao a Phanga sasarigan.

na pitharo i Albanie ko kitab yan a [ سلسلة الأحاديث الضعيفة ]

gya angkanan a kiyatharo a san i Haythamie a go si Soyotie na Marayag a Karibatan.

ka giya Hadith anan na knaba Pure oba Hadith, di anan bnara Hadith [ لا يثبت ] Dha'if a Hadith.

sa dowa a Sabap yan:

1. so Sanad a Hadith anan na ndodon si Al-Fodhayl ibn Salman a Malobay i Hadith, Dha'if i Hadith

pitharo i Dhahabie ko Al-Moghnie [ si aki anan na malobay i Hadith ]

pitharo i Al-Hafidh sii ko Attaqreeb [ si aki anan na miyakadakdakl i karibatan ]

2. si Tabranie i miyanothol sa Hadith anan na so Shaikh yan a inaloy niyan a si Solaiman Al-'Attar na [ Majhool ] maana : di katawan o antaa!!!

na so Majhool na di khatarima so Hadith yan.

so Hadith a p'phaka po-onon na Dha'if a Hadith na basta a Dha'if na di khapakay a iph'ndalil ka knaba pure a Hadith.

Sabap san na miyaka rayag a daa ba Hadith a miya aloy oba so Nabi "saw" na ip'phoro iyan a Lima niyan ko Oriyan o Paralo a Sambayang na so kiporo-onon na Bid'ah.

o p'tharo-a o tao i bgay ka mambo sa Dalil sa Qur-an a go Hadith sa giyanan na Bid'ah, na tigakan:

Langon a bid'ah na aya Dalil yan sa kababaloy niyan a Bid'ah na "da nggalbka o Nabi "saw" na di khapakay a gomiraw so tao i bgay ka sa Dalil a giyaya na Bid'ah, skiyan i b'gay sa Dalil a gyoto a galbk na pinggalbk o Nabi "saw" ka o maka bgay sa Dalil sa miyanggalbk oto Nabi "saw" na osto a knaba Bid'ah.

Na langon pimbago ko Agama, go sii ko mga Okit a kasimbaa ko Allah a da nggalb'ka o Nabi "saw" na Bid'ah.

Pitharo o Nabi "saw" [ so langon a pimbago na Bid'ah na go so langon a Bid'ah na Kadadagan na go so langon a Kadadagan na sii ko Naraka ] hadith

he said: langon a pimbago = maana: so galbk a daniyan nggalb'ka!!!