KOKOMAN A HARAM A MINDAKL SA INGD IMANTO [ MARGAS ]

KOKOMAN A HARAM A MINDAKL SA INGD IMANTO [ MARGAS ]

Mindakl imanto sa Ingd a Ranao na go Maguindanao a angkai a lagidaya:


So Padagang sa Margas na mb'gan ka sa 10,000 na uman sawlan na bgan ka
niyan sa isa ka sako a Margas sa gyoto i laba ngka ko uman sawlan na
dii niyan mambo plaba-an a angkawto a Pirak ka!

Na giyanan na miyakalala a HARAM!!!

Osayan sa kiya Haram yan:

Aya masosowa oto na bigan ka si aki oto sa Kapital na aya pasad yo na
p'phakalaba-an ka niyan sa isa ka sako a Margas, na miyat'ndo so Laba
ngka sii ko Sawlan, na basta a mat'ndo so Laba ngka a migay sa Kapital
na Haram!

Sabap sa mapapadalmon so "Gharar" maana a di maririnayag, kapapadalman sa kapaginakala...

Angkayno???

Sabap sa so kiyab'gingkawn sa Kapital na tindo ito so Labangka sa isa
ka sako a Margas, na khapakay a si aki oto na aya malaba niyan ko
sawlan na Lima ka sako a Margas odi na Walo ka sako na isa bo ka sako a
iph'mbgay niyan rka, khapakay pman a malogi so dagangan i aki oto na
ph'mb'gan ka niyan dn sa isa ka Sako a Margas!

Na gyanan i bithowan sa "Gharar"!

Na miya tharo o mga Sahabah "ra" [ أن النبي صلى الله عليه وسلم نهى عن بيع الغرر ]
رواه مسلم

Maana: So Nabi "saw" na ini sapar yan so kaphasa-i a kapapdalman sa Gharar! Hadith a piyanothol i Muslim

Inisurat i:
AbuHazim Muhammadata Ibrahim
Islamic University