THOTHOLAN KO OKIT A KIYATIMOA KO QUR-AN

MAKAMPT A THOTHOLAN KO OKIT A KIYATIMOA KO QUR-AN

By: Muhd Rayyan

so qur'an na kitab anan o allah a initoron iyan ko nabitano a Muhammad saw" ka an maboloy a mu'zija'tyan nago an mabaloy a bitikan a ron dii pakaphasoda so mga sogoan o allah sw" na iniphasad o allah sii zyapn iyan aknan a qur'an sa pitharoiyan:{ mataan a skami i tomiyoron ko ZIKR na go skami i zyapon } al-hijr 9. sabapsan mambo na dadn a okit a oba maalin so qur'an sa apya isabo a harf.

initoron skanyan o allah sii ko nabi saw" sa mayakazozoklya ka pyakadait o allah siiko oman i masa a dadaitnyan!, aya kyathay a khiphthoronun ko nabi saw" na mamarani myaka 23 ragon, ipoon ko kyabaloy nyan nabi sii sa macca na taman ko kyawafat iyan sii sa Madinah.

na sii ko masa a khiptoronunon na iphzogoiyan ko mga sahaba so kimoraisn iranon sii ko mga rarabran, na komokowapn so rasolollah saw" sa mga pasosoratyan sa oman i mitoron a ayat na salakawpn ko khiphmoraisniranon sa diretso na iphzoratpn o mga panonorat o rasolollah saw" sa wahi ka an masigorado so kasisiyapya, na iphzaparyan so kisoratn ko salakaw ko qur'an inontabo sii ko mattndo a mga taw!!.

na sii ko kyadato o ABU BAKR na pyakinggogobatiyan so mga murtad na myaadn so malaa katidawa sii sa ingd a YAMA'MA na myashaheed roo so madakl a mga sahaba na maapdkiran so madkl a mga HUFFA'DHOL QUR'AN khipakamomorais sa qur'an, na sii sangkoto a myasowa na myawan so OMAR oba mga wawafat so mga sahaba a khipaka momorais ko qur'an na di matimo so qur'an na inimosawiryan ko abu bakr a timoon so qur'an sa sasatiman na kyabnaranon so abu bakr na myamili skanyan ko nga sahaba sa khasariganyan na aya myapiliiyan naso ZAID BIN THA'BIT sabap ko kababaloynya a panonorat sa wahi o rasolollah saw nago kangodaan nago sii ko kagaandn kawafat o rasolollah saw" na aya kabasa i abu adul rahman al-solami na myakadwanyan mabatya sii ko rasolollah saw" so qur'an.

na tanto a kyapnudan so ZAID sangkoto a sogoanon o ABU BAKR ogaid na kay order oto o datu o mga muslem nago kyabnar ko ABU BAKR a kailangandn a matimo so qur'an na pinggalbkyandn oto sa mitad sa sharat a pagokitanyan ko khiphsoratnyn ko qur'an!! na sii ko kyapasadyan na asar ka myatimo sa sasatiman a mus-haf na dadn oto mapakadakl taman sa myawafat skanyan na na sopman so omar bnil khattab i myakatangaonon, na oryaniyan pman o kyawafat o omar na myakowa o hafsa!!

na sii ko kyadatu o UTHMA'N BIN AFFA'N na tanto a myakaolad so mga ingd a phthabann o mga muslem na minipayafat so mga saha'ba a mga pababatya sa qur'an ko pito a sosonan a kabatyaaon na gyatodn i myapaganad kiran o mga taw sii ko darpa a kyatagoan kiran!! na aya margnon na so mga taw na disiran phagayon ayaon ka oman i isa na salakaw so okit a kaphmbatiyaanyan ko qur'an na phphkaribtyanyan so pdyan na myasima oto o HOZAIFAH BNOL YAMA'N na miniriportiyan ko OMAR R" a almpaanyan angkoto a awida akal ka phakalaoto amay ko di mainungka somambot!!

na magaan so magaan na miyarequest o UTHMA'N so mus-haf a matatago ko HAFSAH na pyakitawagyan so ZAID BIN THA'BIT ago so ABDULLAH BIN ZOBAIR ago so SAEED BIN ABI AQQA'S goso ABDUL RAHMA'N BNOL HA'RITH na pyakisoratyn kiran pharoman sa pithoroiyan kiran a o adn a dinyo phayonayonan ko mga word a khatoonyoron na siikanondod ko basa o mga qurais ka initoron so qur'an sa basairan !!! na kagya ko mapasad oto na pyaki pangowityan ko mga ingud na gyotpn ka mada so diiran kaphagayon ayon.

na gyanan i gyanangkai a qur'an a minisampay rkitano imanto na aya iphmbtho ko kinirasmnon " kinisoratnon na rasm UTHMA'NI".

GYANAN I MAKMPT A THOTHOLAN KO KYATOMOA KO QUR'AN.

wallaho taa'la a'la wa a'lam. ^_^