ANTAA I MGA WAHABEE? “WAHABISM” BY: ATAH P. IBRAHIM

ANTAA I MGA WAHABEE? “WAHABISM” BY: ATAH P. IBRAHIM

Sii ko ika dowa ka Century ko Calendar a Hijrah na si AbdulRahman ibn Rostom a aya paka asal yan a tao na Franch a tomiyogalin sa ingd a Magrib, somiyold siran ko Islam ogaid na aya Aqeedah iran na Aqeedah a “ibadhiyyah” so mga ibadhiyyah na pd anan ko mga Khawarij na aya paka poon o mga Khawarij na siran so miyono ko Ameerol Mu-mineen Othman “ra”, si aki anan a AbdulRahman ibn Rostom na miyapaka tindg sa Kingdom yan sa Magrib a bithowan yan sa Rostom Kingdom.

So kiyapatay niyan na miyakasambion sa kadato so wata iyan a si Abdulwahhab ibn AbdulRahman ibn Rostom, na si aki inin a Abdulwahhab i miyapaka olad ko kingdom i ama iyan, taman sa miyakawma so Da’wa iran ko kadaklan ko mga ingd sa Africa, na so kiyapaka laolad o panoloniran a goso kadato iran sa Magrib taman sa Africa na miyakilala siran sa ngaran a “WAHHABIYYAH” sii kinowa ko ngaran i aki oto a “ABDULWAHHAB”, sabap ko kababaloy iran a mga Ibadhiyyah na tanto iran a pkhararangitan so mga Ahlu Sunnah, go aya waraaniran na kapangagaw sa tamok, kapammgsan, na miyaopakat so mga Ulama sii sa masa oto sa giya angkanan a mga tao na mga Kafir, na dabo tanto malanggay na miyakawma so “Dawla Fatimiyyah” a mga Shi’ah na siran i miyaka othang ko Rostom Kingdom a ayad so “WAHHABIYYAH odi na WAHABISM”.

Mandiyadi,,, sii ko ragon a 1115 H. Maana: ika 12 century! Na inimbawata sa Saudi si aki ini a Muhammad ibn AbdilWahhab, sa Najd “aya Najd nap don a Riyadh, Qasim, etc...” a makapopoon sii ko mala a Family a Arab a bbthowan sa Bani Tamim.  Na aya kiyambowatan yan a Masan a ndadakl so kambaradosa, ndadakl so kapanakoto, ndadakl so mga Bid’ah goso langon taman a Aqeedah a maka sisilay, sii oto ko masa a magaan dn ka othang o Dawlah Othmaniyyah “ Uthoman Inpire”.

Paka gaan’nta so tothol sa miyakala si Muhammad ibn Abdilwahhab na miyagnad sa ilmo, na si ama iyan a datu a si Solaiman a ama i ama iyan na Kali “Qadhi” sa Oyaynah, na kagya matay na minisambi-on si ama iyan a Abdulwahhab, maana pamilya siran a malaon so sabot ko Agama.

So kiyathagaas a mama i Muhammad ibn Abdilwahhab na piphoonan yan so Da’wah, aya Da’wah niyan na so kpit o mga Ahlu Sunnah, inisapar yan so kapanakoto, inisapar yan so Bid’ah, inisapar yan so kapangatao, piyaki tokawan yank o mga tao so Aqeedah o Ahlu Sunnah wal-jama’ah, na dii maka phapalagoy ka da dn a baniyan tagpda sa masa oto taman sa miya toon yan so Datu sa Dir’iyyah a si Muhammad ibn Suod na miyapaka paratiyaya niyan na mishapa i siran sa pthabanga siran ko kikhokom’n ko Qur-an na goso kiphanolon’n ko Aqeedah a Ahlo Sunnah wal-Jama’ah.

Na roo dn mini poon a kiyapaka bagr o Da’wah i Shaikh Muhammad ibn Abdulwahhab ka miyasuporta i aki inin a Muhammad ibn Suod, na roo dn mambo mini poon a kiyapaka tindg a Kingdom of Saudi Arabia, a aya ngaran yan a miya ona na “Dawlah Suodiyyah” a sii kinowa ko ngaran o Family i Muhammad ibn Suod a “SUOD” na pihoonaniran komokom so Kokoman o Allah a go piyaka dayamangiran so Aqeedah o Ahlu Sunnah wal-Jama’ah!

Misabap san na kiya maratabatan so mga tao a Suranga iyan sa tindg, so langowan a Secta odi na Grupo odi na Firka a salakaw i Panarima.

NA KAGIYA AYA AMPILIDO NIYAN NA ABDULWAHHAB NA SO ANDANG A GRUPO A MIYAONA A KAFIR A GRUPO A IKAKAGOWAD O MGA TAO NA AYA NGARAN YAN NA “WAHHABIYYAH” NA INI BTHO IRAN SA ANGKAYA A DA’WAH I SHAIKH MUHAMMAD IBN ABDILWAHHAB SO WAHHABIYYAH KA AN IKAGOWAD O MGA TAO! Giyanan i sabap a tigo pd a so Wahhabiyyah na salakaw a Madh-habiran so Wahhabiyyah na mga Kafir, na tanto a maliwanag a mbidaan o dowa ka so WAHHABIYYAH na sii ko ikadowa ka Century ko Hijrah, na giya angkaya a Da’wah o Shaikh Muhammad ibn Abdilwahhab na sii ko ika 12 ka Century.

“ wahhabiyyah na ngaran a Grupo, na so aya panarima iyan na wahhabiyyah na aya ipmbtho ron na Wahhabi”

Na so pd na katawaniran dn ananm ogaid na aya kiya ibaratan o ingaran a “ WAHHABI” na so nditarn a marshik a andang a mapapasad na so kiyapaka timbawaw o Da’wah i Shaikh Muhammad ibn Abdilwahhab a aya Da’wa niyan na so Qur-an a go Hadith na go so Aqeedah o Ahlu Sunnah wal Jama’ah na piyaki nditar iranon a angkawto a marshik a nditarn ka an ikagowad o madakl a tao ka mawatan pn na makasasayan sn sa miyado a Basura a p’phalagoyan a tao! Kapakatipo na go kapaka dngki, iphmntho iran ko tao so da niyan mapngaran, na aya katharo o Allah sa Qur-an na { و لا تلمزوا بالألقاب } maana: di niyo pthalon ko tao so patogina “ingaran” a ip’khagowadiyan!

Na giyanan i Sabap a imanto na mitatayak dn a angkai a Wahabi Wahabi... na goyoto na miyaka lala a karibatan ka Opama ko titho a pagilayn na aya ngaran o Shaikh na Muhammad aya da-it na aya mibtho ko Da’wah niyan na “ MUHAMMADIYYAH” na dayranon bthon ka kagya sangay o Nabi “saw” na aya iranon inibtho so ngaran a matag yan Ampilido!!! Ka asar bo a maka toon siran sa Okita a kabinasa o ingaran o Da’wah!

Inomanan iran pn ka adn a Pagari i Muhammad ibn Abdilwahhab a aya ngaran yan na si Sulaiman, sangay i ama iyan a Datu, na aya mataan na sii ko paganay na dim aka aayon ki pagari niyan, ogaid na miyaka ayonon bo ko kiyashorati niyanon. Na aya pinggolawala o mga tao a sumosopak ko Muhammad ibn Abdilwahhab na somiyorat siran sa Kitab a aya ngaran yan na ( الصواعق الإلهية في الرد على الوهابية ) maana: So bagiyaw a makapopoon ko Tohan a imbatal ko tindg o Wahhabiyyah! Na piyaki pngaraniran ki Sulaiman Ibn Abdilwahhab a pagari i Muhammad ibn Abdilwahhab ka an matharo o mga tao a taman ki pagari niyan na rido-ay niyan!

Aya Dalil sa knaba oto inisorat i Sulaiman na kataya:

1. mas miya ona matay si Sulaiman a di si Muhammad, na sii ko kiya patay i Muhammad na so Da’wah niyan na aya ibbtho ron o mga tao na : Bago a Kpit!!! Kay kababagowan siranon ka miyathay a Masan a maka dadayamang so Kambaradosa, sakali kabthowi sa Wahhabiyyah so Da’wah i Muhammad na sii ko oriyan o kiyapatay niyan, a aya 1st time mitho ron sa Wahhabiyyah na si BREAK HEART a tag a FRANCH a miyaka oma sa Saudi a dii maki thinabanga ko Datu sa Madinah a pd ko Dawlah Othmaniyyah, na ron miya anad o mga tao a Magiingaran sa Muslim a salakao i mga tindg a kiya bthowi iran sa Wahhabiyyah ko Da’wah i Shaikh Muhammad ka lagid dn o kiya osaya tano ron a aya hadapiranon na an ikagowad o mga tao. Samawto na miyapayag a sako bibiyag pn si Sulaiman na dapn kabthowi sa Wahhabiyyah so Da’wah i pagari niyan na andamanaya i kapakasorat yan sa Kitab a aya imbtho niyanon na “So bagiyaw a makapopoon ko Tohan a imbatal ko tindg o Wahhabiyyah!?? Aya dait a ibtho niyanon na MUHAMMAD knaba Wahhabiyyah!!!

2. si Sulaiman na ayaniyan mambo ampilido na ABDULWAHHAB! Na anda manaya i kashmbaga niyan ko Da’wah Wahhabiyyah a skaniyan na makasosold ko ingaran a WAHHABIYYAH ka ama iyan si ABDULWAHHAB a ron kinowa so ngaran o Da’wah??? Opama na di niyan khapikir a lagid yan bo o aya pshmbagn a ginawa niyan? Bada a khatoon yan a salakaw a ngaran a imbtho niyan sa angkawto a kitab oba bnar a skiyan o somiyoraton???

Na dadn Hadap sa langon anan a miya alloy inonta bo na anda manaya i kabinasa o Da’wah i Shaikh Muhammad ibn Abdilwahhab, aya miyaka rayarayag a aya Da’wah niyan na so tindg o miyanga Uuna ma mga Ulama, so mga Sahaba a go so mga Tabi’een sa maka phapashod ko katharo o Allah na go katharo o Rasulollah “saw”, aya mala a Saksi na so mga Kitab a miyangi Surat i Shaikh Muhammad ibn Abdilwahhab Rahimahullah na opama ka batiyaan na dadn a misosopak yank o manga katharo o miyanga uuna a Ulama o Ahlu Sunnah wal Jama’ah lagid opama i Imam Ahmad ibn Hanbal Rahimahullah.

Sii anan langon khatoon ko Kitab a تصحيح تارخي حول الوهابي للشيخ الشويعر

 TASHEEH TARIKHEE HAWLAL-WAHHABIYYAH

Gyayanan mga pagariko, pangninta a kiyasabotan yo...