[ SO MANGA HIKMA "ongang'n" KO KADOWAY ] BY: ATAH P. IBRAHIM

[ SO MANGA HIKMA "ongang'n" KO KADOWAY ] BY: ATAH P. IBRAHIM

So Allahu Subhanahu wa na pd a Sifat yan so Mawngang'n "Hakeem" na sabap roo na langon a Sugo-an odi na kokoman a ini btad o Allah na wajib a matarima o Manosiya sabap sa so Allah na katawan yan so kamapiyaan o mga Kaadn yan ka skaniyan i lbi a mawngang'n.

Gya angkai a Topic na aya sabap a dii ami saya kapagosaya na sabap sa so mga Sarowang a tao na p'd a ip'phaawing iran ko Agama tano na kagya a papakayn ko o Islam so kandoway, ika dowa na so kadaklan ko mga Bae a Muslim na Ribat so kasasabota iran ko Hikma ko kandoway, ka aya kon a Hikma ko kandoway na siyap bo ko mga Pobri na go mga Balo a mga Bae na Ribat anan a Panarima.

sa Kataya so mga Hikma ko kandoway a miya aloy o mga Ala a Ulama, lagid i Shaikh ibn Al-'Othaymeen Rahimahullah:-

SO MGA HIKMA KO KIYAPANGAROMA O NABI "SAW" SA MADAKL:

1. An maka dakl so ,ga tao a maka titikay ko secreto o Nabi "saw" ka an kasaksii a mataan a so Nabi "saw" na knaba marata i Adat.

2. An pkha tago-i sa bantogan so mga Pamilya ko mga Arab a p'kha pangamongan o Nabi "saw".

3. An pkha takp na go an p'phagomarg so dii kanggiginawa-i o mga Arab.

4. An maka dakl so mga Kiyamonga iyan a phaka lindingon ko mga Mushrik a mga rido-ay niyan.

5. An madakl a p'phakatokaw ko mga Galbk o Nabi "saw" a maka pantag ko Agama a di khatokawan o mga Mama lagid o okit a kaphaygo sa Janabah.

6. Pd oto sa Mo'jizat o Nabi "saw" sabap sa skaniyan na Knaba p'phakakan sa Mapiya oga-d na maka pantag sii ko Sexual Intercourse mabagron so Nabi "saw" taman sa miyapanothol a sii ko aya idad yan na 62 a phag Hajj na sii ko magabi ron na linibt yan so 9 katao a karoma niyan sii ko isa ka kagagawii.

NOTE: [ So tindg o Sabaad a matag oto siyap o Nabi "saw" ko mga pobri a mga bae na go mga balo na katharo anan o mga MOSHTASHRIQOON a makapopoon sa West a ph'mbinasa ko Agama, oga-id na adn a kabbnar anan, na matag bo anan sagintas ko mga Hikma a kiyapangaroma o Nabi "saw", So karoma o Nabi "saw" a si Sawda na aya Idad yan ko kiyapangaromaa ron o Nabi "saw" odi ako kharibat na sobra dn 60, na tanto san a Marayag a osto dn a siniyap skaniyan matag o Nabi "saw" gyoto mambo i Sabap a so alongan o Nabi "saw" ko Sawda na ini shadka o Sawda "ra" ko 'A-isha "ra".

na gyanan i kinowa a Dalil o Sabaad, na 9 katao i karoma so Nabi "saw" na matagon bo anan sakatao, na so 8 kiran katao na bnar ko sasakatao a raga kiran na mga kangodaan pn, lagi o Hafsah "ra", a so kiyapatay o Karoma niyan na ino da mapangaroma o Abubakr a go so Uthman "ra" ka pitharo o Nabi "saw" a skiyan i phangaroma ron...

bali wrong oba knaba sabapa sa Desire so kiyapangaroma o Nabi "saw", aya bnar na madakl a Hikma roo na oga-id na ndodon dn so Desire, knaba paawing o Mama i daa desre yan sa babay, ka aya paawing o Mama na oba daa babaya iyan sa babay.

pitharo o Nabi "saw" [ حبب إلي من دنياكم النساء و الطيب ] maana: aya kiyababayaan akn sangkai a doniya iyo na mga Babay a go Mamot.

Pd pn a Dalil sa ndodon dn so Desire na so isa a Bae a somiyong ko Nabi "saw" a tigyan a Rasulallah ini b'gay akn rka a ginawa akn, miyaka tlo niyan matharo ko Nabi "saw" na madakl pn a maka mamasa sa mga Sahaba "ra"

na inilay skaniyan o Nabi "saw" ipoon sa Puro taman sa Baba, oriyan yan na dadn tharo so Nabi "saw" maana di niyan khabayaan.

Na pitharo o isa ko mga Sahaba "ra" : ya Rasulallah obangka di khabayai na sakn i phangaromawn.

pakaisha: INO OTO DA PANGAROMAA O NABI "SAW" KA ANIYAN MASIYAP???

[ kagiya di niyan khabayaan ]

Pontso: MADAKL A HIKMA KO KANDOWAY NA AYADN A KALAANON NA MABAGR I DESIRE SO MGA MAMA, NA SII PN SA ISLAM NA HARAM OBANGKA PANGAROMAA SO BAE A DINGKA KHABAYAAN KA DINGKAWN KHIBGAY SO HAQQ YAN RKA NA BAKADN KHADOSA. ]

SO MGA HIKMA KO KIYAPAKAYA KO KANDOWAY SII KO MGA OMAT O NABI "SAW" :

Pitharo o Shikh ibn Al-'Othaymeen Rahimahullah: pd a Hikma ko kiyapakaya o Islam ko kandoway sii ko mga Omat o Nabi "saw" :-

1. Khapakay a so karoma o Mama na miyaloks dn, odi na mala i Sakit, na di phaka bulong ko kapaka khikinanglan o Mama sa karoma niyan.

2. Khatoon ko mga Mama so mishobra so Desire odi na babaya iyan sa Babay, na diyon phaka tiyokop so sasakatao, labaw ron igira a miyawma a Bisita si karoma niyan a taman sa diyon mada so Bisita niyan na Haram oba obaya i karoma niyan a Mama, odi na amay ka mimbawata na 40 days na Haram oba obaya i karoma niyan, na Haram pman oba badn maka Shina.

Salakaw san pn na pishaksi-an o mga Scientist a langon a Kaadn o Allah a Mama, Taw odi na Binatang na tabi-at yan dn a kabaya iyan sa Madakl a Karoma.

3. So kadakl o kathidawa, ka so Jihad na ini sugo o Nabi "saw" na madakl a p'phatay ko mga Mama, na dii ndakl so Bae na na opama ka oman i Mama na sakatao i Karoma na madakl a khasawang ko mga Bae, kamamasaan tano imanto sa Ranao a madakl a p'phaka to-a a Raga a di maphangaroma.

4. Pd pn sa Hikma na so dii kapamagoman o Babaya o Mama ko mga Karoma niyan ka omanon phagalongan na ikakadali iyan ka miyaka pira gawii na daniyan mishaliya.

5. So Mama a adn a Karoma niyan na igira a miya Inlove ko bago a taw na kiyabayaan mambo o Bagowa taw na opama ka di khapakay so kandoway na tanto a maka p'ndamar a akal o Oman i Isa, na sabap sa miyapakay so kandoway na maka p'thoona siran sa Halal a okit.

SO ALLAH NA LBI A MAWNGANGN, DI TANO LILIPATAN A LANGON A INI BTAD O ALLAH A KOKOMAN NA PANTAG OTO SA KAMAPIYAAN O MGA KAADN YAN.

NOTE: KNABA SHARAT O KANDOWAY SO KABALOY O MAMA A MALA I TAMOK, AYA BO A SHARAT YAN NA SO KAPAKA PAGINOTOLAN O MAMA, MAANA: MALA-ON SO AGAMA, KA SO DA A AGAMA NIYAN NA MAWATAN OBA MAKA PAGINONTOLAN.