SO KHAROMBAAN O BAE A DI NIYAN SHIYAPN A GINAWA NIYAN, BY: ATAH P. IBRAHIM

SO KHAROMBAAN O BAE A DI NIYAN SHIYAPN A GINAWA NIYAN

Pitharo o Rasulollah "saw"

[ dowa ka klasi ko mga Tao sa Naraka a daa kn siran pn kamasa-i : Pagtao a adn a mga lilit "bntol" iran a ndalagid o ikog a Sapi a ip'pham'ntoliran ko mga tao, go mga Babay khindiditar na lagid bo o daanditarn iran, p'phangakit, a dii khikinikini igira a ph'lalakaw, so mga bokiran na khirorobayn, di siran dn phaka sold sa Sorga go dii iran dn khabaw so baw niyan, go mataan a so Baw niyan na pkhirampay ko aya kawatan yan na lima gatos Ragon ]

Hadith a Piyanothol i Muslim a go si Imam Malik ikalomo siran o Allah

Osayan:

> [ Pagtao a adn a mga lilit "bntol" iran a ndalagid o ikog a Sapi a ip'pham'ntoliran ko mga tao ]

gyanan so mga tao a mga tangarasi

> [ mga Babay khindiditar na lagid bo o daanditarn iran ]

dowa anan Barang:

1.) Babay a manga liligt i kandiditaran a mitatandaon a lawasiran

2.) Babay a mga ninipis i kanditar na phagalong a lawasiran

( maana: di maka sasapng phiyapiya sa Awrat )

> [ p'phangakit, a dii khikinikini igira a ph'lalakaw ]

gyanan so mga babay a phlalakaw siran na aya kabaya iran na pkha ispatan siran o mga Mama

ikadowa a ini tafseer san o mga Ulama na pdon so mga Babay a ppgsniran so mga Karoma iran a go diisiran tharima sa Bnar "انظر هامش الأصل للموطأ"

> [ so mga bokiran na khirorobayn ]

maana mbarambarang dn a ikhidia iran ko mga bokiran, dasa khorotn na dasa btrniran na dasa putolaniran na dasa pakatasniran na dii ran shapngan ko kna oba iran mga Mahram ko mga Mama.

> [ di siran dn phaka sold sa Sorga go dii iran dn khabaw so baw niyan, go mataan a so Baw niyan na pkhirampay ko aya kawatan yan na lima gatos Ragon ]

gyanan i balasiran, taman ko baw o sorga na di iran dn khabaw, na gyanan i phananggilaan o tao oba niyan masowa ka tanto dn anan a Mapasang ka apiya so baw o Sorga na di niyan khabaw, obadi so baw o sorga na khiraot ko aya kawatan yan na lima gatos ragon a iphlalakaw ron, aya maana niyan na tanto dn a mawatan oba maka sold sa Sorga angkanan a mga tao na thawbat tano mga Pagari ami, siyapn so ginawa na Sapngan so Awrat ka oba kalokalo na maparoli tano so Babaya o Allah na go so kasorgaan, ka sa Tao a di maka Sorga na Naraka a khalombokan yan na aydaaaw na kanogon yan...

Pangnintano ko Allah a palaya tano niyan Tawfiqan ko ipkhababaya iyan... Aameen...