adn a pakaisha a satiman... a kailangan na uman i sakataw a manosiya na miisha iyan sa ginawa niyan...
( ANTONA I PANGARAP KA? ANTONAI SINGANIN KA SA KATATAGO OKA SA DONIYA? )
ino mangaday mini isha tano aya sa ginawa tano?
Madakl a kiya ishaan akn san, so pd na tigiyan a pangarap akn na mapangaroma akn si giraw, so pd na tigyan a pangarap akn na maka pasad ako mangadi, so pd na tigiyan a pangarap akn na maka tamok ako, so pd na tigiyan a pangarap akn na maka sorga ako...and etc...
> langon dn anan dait a pangarapn, ogaid na maka ayon kano ndaa adn a satiman a maga ayon ayon tano ron, langon tano ron khipangarap, Muslim sa Kapir na mashisinganin yan, pangarap yan, a o makowa niyan na miya kowa niyan a so langon taman!
antona a oto mangaday???
gyoto so kapaka APAS!!!
Aya maana a kapaka apas na so kakowaangka ko mashisinganin ka...
langon tano dn khabaya maka apas...
> o morit ka na kabaya aka na maka apas ka na maka pasad ka
> o padagangka na kabaya aka na maka apas ka na maka laba ka
> so langon o manosiya na na kabaya iyan a maka apas sa doniya, makowa niyan so kabaya iyan sa doniya na go makowa niyan so kapipiya a ginawa sa alongan a mawri inonta bo so mga taw a oongkirniran so alongan a mawri...
> o diika nda'wa na kabaya aka na maka apas so da'awangka...and etc...
aya pakaisha na: antonai okit a kapaka apas ka???
ad a tlo timan (3) a okit a o minggolalan ka langon na garantesado a phaka apas kadn ko langon a kabaya aka a maka apas kawn! dadn sa di ka phaka apas ka,,,
antai mimbaalon mangaday? ba so mga Scientest? ba mangaday so mga ala a Ulama?
> aya mimbaalo mga pagariya na so Datu o langon a kaadn, so Tindos rabao ko mga nabi na go mga Rasul alayhimossalam... so Nabi tano a Muhammad "saw" :
kapakay a apiya so mayto a wata na katawan yan a angkaya a Hadith a katharo o Rasulollah "saw" ogaid na di maiin'ngka o kadaklan... sii bo miyataman so mga tao ko kapmbatiyaa ron... kapmaana i ron go kapamakin'ga ron...
tlo tlo taga hadith na ron mapapadalm so kaphaka apas o manosiya sa doniya sampay sa alongan a mawri...
(stop reading) pamikirangka daan o antonaa oto a Hadith??? lalayon tano dn aya pkha n'g ko mga Ulama tano!!!
______________________________________________
pitharo o Rasulollah "saw":
اتق الله حيث ما كنت
و أتبع السيئة الحسنة تمحها
و خالق الناس بخلق حسن
kalkn ka so ALLAH sa apiya anda ka matatago
go tondogn ka so mapiya a galbk ko marata a galbk ka maphakada iyan
go ndolonaan ka so mga taw sa mapiya a paparangayan
______________________________________________
bali paganay ron (1). na kalkn ka so Allah sa apiya anda ka matatago... titho a kalk...
aya kalk ko Allah na so kanggalbka ko mga sugoan yan go so kapananggilai ko mga inisapar ya...
> na o minggolalan ka anan pagariko na miyaka apas ka ko Allah na sasarig kadn sa angkaya a doniya ka dika niyan dn pthawdan na mawma ka a kapatay na dika dn khawan ka ithitilagad yan rka so Sorga iyan! asar ka miyaka okit ko okit o Rasulollah "Saw" so kiyanggalbkangka ko mga sugoan o Allahu Subhanahu wa ta'ala.
ika dowa (2). makanggolawla ka sa marata na tundogn kawn so galbk a mapiya, aya maana niyan na igira a miya dosa ka na thawbat ka, ka prilaan ka o Allah...
> na o minggolalan ka anan na miyaka apas ka ko ginawangka ka miya siyap ka a ginawangka ko langon a marata a galbk, miyasiyap ka a ginawangka ko langon a kadosaan.
ika tlo (3). ndolonaan ka so mga taw sa kapiya a parangay, ayakon a pinaka madakl a phakasold sa sorga a tigo Nabi "saw" na so mapiya i parangay...
> na minggolalan ka anan na miyaka apas ka ko mga manosiya.
* bali so paganay na kapaka apas ko Allah
* so ika dowa na kapaka apas sa ginawa
* so ika tlo na kapaka apas ko mga manosiya
na maka apas ka sa tlo anan na miya kowangka so kapipiya a ginawa sa Doniya na taman sa Alongan a mawri... kababayaangka o Allah na tawfikan ka niyan, thabangan ka niyan, maka apas ka sa ginawangka na phmbaloy ka a bilanga taw, kababayaangka o mga taw na miyakalbod rka so bangkabo diikandadalakaw ko liyawaw o lupa...
na aya pinaka iportante san mga pagariko na so paganay, kababayaangka o Allah... apiya ka inikagowad o langon a taw sa doniya asar a kababayaangka o Allah na da a awida akal ka aya bo a singanin o Muslim na masoaton so Kadnan yan...
Wassalamo Alaikom...w.w.
No comments:
Post a Comment