MAKMPT A TOTHOLAN KO ONTA O SALIH "AS" BY: ATAH P" IBRAHIM
Adn a isa ka Pamiliya a pd ko mga Arab sii ko miyawna na a Masa a sii mababaling sa pgltan a Tabuk a go giya Hijaz, aya Hijaz na gya katatago-an sa Makkah go Madinah, aya ngaran o Pamiliya iran na Thamud.
Si Thamud na apo-apo-aniran a wata i 'Athir a wata i Iram a wata i Sam a wata o Nabi Noh "as"
Gya angkanan a mga tao na aya p'shimbaaniran na mga Barahala, mga Moshrik a mga Tao.
Na siyogo kiran o Allah so Nabi niyan a Salih "as" na inisapar yan kiran so kapanakoto, kasimba sa Barahala na go ini sugo iyan kiran so kasimbaa ko Allah a isaisa,,, na Siyopakiran, mayto a miyaratiyaya kiran.
taman sa khabaya-aniran badn a mapatay iran so Salih "as"
na tigiran a o aki o Pure ka Nabi na baloyangka a angka-i a wator a ONTA.
na tigyan a o magaga akn anan na Pharatiyaya kano? na tigiran a Oway!!!
Na mishambayang so Nabi Salih "as" na piyamangni niyan ko Allah a mba-ali niyan a Onta a angkawto a Mala a wator.
Na miya Opak so Wator na miyakapo-onon a mapiya i Paras a Onta... sa lagid dn o bontal a ini pantoniran.
Na so kiya ilaya iran sangkoto a Mo'jizat o Nabi Salih "as" na miyaratiyaya so Kadaklan kiran, na so pman so Sabaad na badn miyanobra a kababaloy niyan a Kapir.
Na so kiyaparatiyaya o kadaklan kiran na piyangalangan siran o mapuro iran, siyaparan yan siran oba siran maka pag Islam na mikhakapir siran pharoman.
Na aya miyawlawla na so ONTA na mala i Kaynom, na so phaginomaniran na miyabagi.
Imanto na paginom so Onta, na mapita na Shag'b siran, na Mapita pman na so Onta!
go apiya anda d'n khabaya mangangan so Onta na daa phakasapar kiranon.
[ kataya a igo Nabi Salih "as" so Onta o Allah na oba niyo dii tholika go oba niyp p'marata-i ka khasogat kano a Siksa a malip'd's ]
na kay bokl'n siran sa angkawto a Maoolawla na kiya meetingan kiran a bayran dn sombali-a a angkawt o Onta.
na gowiran sombali-a na... tigiran a Salih imanto na pakawma-angka i diingka tharo-on a Siksa ka siyombali ami so Onta o Allah.
Na tigo Nabi Salih "as" a nayaw kano sa Tlo gawii ka mag'dam yo dn.
na diyran pman sambongi taman sa mbono-oniran na kay dayran bo mapatay ka ayawto a mbono-on na so siyaw "9" katao a somiyombali ko Onta na kay mbonooniran a gagawii so Salih na somiyogo so Allah sa Wator na miyangalililid kiran so Wator na miyamatay siran.
Na kagiya ko Khamis [ paganay a gawii ko 3 days a iph'nayawiran ] na miyamaka binaning a mga Bontal o mga Tao, na kagiya pman a Mapita a diyama-at na miyamaka riga a bontaliran, na kagiya pman ko mawma dn so Ikatlo gawii a SAPTO na miyamaka itm a BONTAL iran.
na kay ko mapita a AHAD na miyamagnaw siran somambot na nanayawniran o antonaa i khasowa iran, na kagiya som'bang so Alongan na miyaka kin'g siran sa LALIS a phoon sa Langit a go tiyab'kh'r so LUPA na miyatay siran langon...
aya bo a miyasama kiran na sakatao a Babay a di phaka lalakaw na kagiya maylay niyan so SIKSA na miyaka lalakaw a miyaka palalagoy na kagya makawma ko isa a ING'D a marani kiran na piyanothol yan so miyasowa na go miyamangni sa ig na kagiya maka inom na myatay bo.
na So pman so miyaratiyaya ko Nabi Salih "as" na siniyap siran o Allah na da siran masogat a Morala.
______________________________
Na malo niyoron Phagabayn a miyasowa anan sa ILIGAN mga Pagariko... Opama ka da mapangni o Nabi tano "saw" a di tano masowa so miyasowa o miyanga oona a pagtao na khapakay a dadn a maka ligtas sa angkanan a mga Kapir, na agiya so Nabi tano a Muhammad "saw" na tanto d'n a Malimo na piyangni niyan ko Allah a di mawlalwla sangka-i a Omat so pkha Olawla ko miyanga Oona a Masa a pkha polang so langon o miyamangongkir... lagid o miyasowa o Pagtao o Lot "as" a miyakli so ingd iran na daa miyasama kiran, so mambo so Pagtao o Mosa "as" a so ndato-an o Fer'awn na miyald siran sa Ragat, na so mambo so Pagtao o Noh "as" na palaya siran miya l'd ka piyakith'mowan o Allah sa ig a intero a Doniya.
Adn a isa ka Pamiliya a pd ko mga Arab sii ko miyawna na a Masa a sii mababaling sa pgltan a Tabuk a go giya Hijaz, aya Hijaz na gya katatago-an sa Makkah go Madinah, aya ngaran o Pamiliya iran na Thamud.
Si Thamud na apo-apo-aniran a wata i 'Athir a wata i Iram a wata i Sam a wata o Nabi Noh "as"
Gya angkanan a mga tao na aya p'shimbaaniran na mga Barahala, mga Moshrik a mga Tao.
Na siyogo kiran o Allah so Nabi niyan a Salih "as" na inisapar yan kiran so kapanakoto, kasimba sa Barahala na go ini sugo iyan kiran so kasimbaa ko Allah a isaisa,,, na Siyopakiran, mayto a miyaratiyaya kiran.
taman sa khabaya-aniran badn a mapatay iran so Salih "as"
na tigiran a o aki o Pure ka Nabi na baloyangka a angka-i a wator a ONTA.
na tigyan a o magaga akn anan na Pharatiyaya kano? na tigiran a Oway!!!
Na mishambayang so Nabi Salih "as" na piyamangni niyan ko Allah a mba-ali niyan a Onta a angkawto a Mala a wator.
Na miya Opak so Wator na miyakapo-onon a mapiya i Paras a Onta... sa lagid dn o bontal a ini pantoniran.
Na so kiya ilaya iran sangkoto a Mo'jizat o Nabi Salih "as" na miyaratiyaya so Kadaklan kiran, na so pman so Sabaad na badn miyanobra a kababaloy niyan a Kapir.
Na so kiyaparatiyaya o kadaklan kiran na piyangalangan siran o mapuro iran, siyaparan yan siran oba siran maka pag Islam na mikhakapir siran pharoman.
Na aya miyawlawla na so ONTA na mala i Kaynom, na so phaginomaniran na miyabagi.
Imanto na paginom so Onta, na mapita na Shag'b siran, na Mapita pman na so Onta!
go apiya anda d'n khabaya mangangan so Onta na daa phakasapar kiranon.
[ kataya a igo Nabi Salih "as" so Onta o Allah na oba niyo dii tholika go oba niyp p'marata-i ka khasogat kano a Siksa a malip'd's ]
na kay bokl'n siran sa angkawto a Maoolawla na kiya meetingan kiran a bayran dn sombali-a a angkawt o Onta.
na gowiran sombali-a na... tigiran a Salih imanto na pakawma-angka i diingka tharo-on a Siksa ka siyombali ami so Onta o Allah.
Na tigo Nabi Salih "as" a nayaw kano sa Tlo gawii ka mag'dam yo dn.
na diyran pman sambongi taman sa mbono-oniran na kay dayran bo mapatay ka ayawto a mbono-on na so siyaw "9" katao a somiyombali ko Onta na kay mbonooniran a gagawii so Salih na somiyogo so Allah sa Wator na miyangalililid kiran so Wator na miyamatay siran.
Na kagiya ko Khamis [ paganay a gawii ko 3 days a iph'nayawiran ] na miyamaka binaning a mga Bontal o mga Tao, na kagiya pman a Mapita a diyama-at na miyamaka riga a bontaliran, na kagiya pman ko mawma dn so Ikatlo gawii a SAPTO na miyamaka itm a BONTAL iran.
na kay ko mapita a AHAD na miyamagnaw siran somambot na nanayawniran o antonaa i khasowa iran, na kagiya som'bang so Alongan na miyaka kin'g siran sa LALIS a phoon sa Langit a go tiyab'kh'r so LUPA na miyatay siran langon...
aya bo a miyasama kiran na sakatao a Babay a di phaka lalakaw na kagiya maylay niyan so SIKSA na miyaka lalakaw a miyaka palalagoy na kagya makawma ko isa a ING'D a marani kiran na piyanothol yan so miyasowa na go miyamangni sa ig na kagiya maka inom na myatay bo.
na So pman so miyaratiyaya ko Nabi Salih "as" na siniyap siran o Allah na da siran masogat a Morala.
______________________________
Na malo niyoron Phagabayn a miyasowa anan sa ILIGAN mga Pagariko... Opama ka da mapangni o Nabi tano "saw" a di tano masowa so miyasowa o miyanga oona a pagtao na khapakay a dadn a maka ligtas sa angkanan a mga Kapir, na agiya so Nabi tano a Muhammad "saw" na tanto d'n a Malimo na piyangni niyan ko Allah a di mawlalwla sangka-i a Omat so pkha Olawla ko miyanga Oona a Masa a pkha polang so langon o miyamangongkir... lagid o miyasowa o Pagtao o Lot "as" a miyakli so ingd iran na daa miyasama kiran, so mambo so Pagtao o Mosa "as" a so ndato-an o Fer'awn na miyald siran sa Ragat, na so mambo so Pagtao o Noh "as" na palaya siran miya l'd ka piyakith'mowan o Allah sa ig a intero a Doniya.
No comments:
Post a Comment