Abulkhair Langco:
salaam ko mga guro ami...paka iza aken...ino khapakay so kidoniten ko mga soledo lawas o miyatay..ibarat na so atay o miyatay na kuwa anon na osaren ko oyagoyag pen a atao,,a giyoto a tao na phekhasakit na makakikinangelan sa datar oto,,ino khapakay oto?
Atah P. Ibrahim:
Wa Alaikomossalam w.w.
So mga Ulama na da siran pamagayon sa angkanan a Mas-alah, so pd na piyakay niyan a miyalat so anggawta o miyatay ko da matay amay ka Kailangan, so pman so pd na da niyan pakaya, sabap san na mithimotimo so mga Ulama makapantag san na da siran dn pamagayon oba khapakay.
So pn so mapapakay ron na khapakay a tig yan asar a matanto o pure a miyatay so miyatay!
Aya Dalil yan na kagiya kon a Sa Islam na so Haram na khapakay amay ka titho dn a kinanglan.
Aya sabap a dayran kapamagayon na kagiya maga ayonayon siran sa so tao a Da matay na di khapakay oba niyan pam'm'gan so anggawta iyan, go di khapakay oba niyan phasaa, Haram!
Aya mga sabap na:
1. So anggawta o manosiya na knaba dagangan a khapakay a phasaan.
2. So anggawta o manosiya na Amana anan a isasarigon o Allah, aya wajib rkaniyan na masiyap yan a angkanan a isasarigon, di rkaniyan khapakay oba niyan binasaa sa baya a ginawa niyan odi na baniyan pangunotn ko salakaw di salakaw ka ipagishaon o Allah sa alongan a mawri.
3. So katharo a so Haram na khapakay amay ka kinanglan dn a tanto na salakaw oto, lagid o Baboy na Haram na o phatay so tao a ongos a dadn a khakan yan na miyapakay ron so Baboy, na gyaya na aya mapapantag yan na so taks sa islam a [ so kabinasaan na diwn khibolong so isa a kabinasaan ]
Makasabap san na aya mabagr a kokoman anan na [[ di khapakay…]] HARAM
Gyanan I Ifta I Shaikh Bin Baz Rahimahollah… ka so Muslim na mlagid o oyagoyag a go miyatay.
pitharo o Nabi "saw"
كسر عظم الميت ككسره حياً
[ So karopta ko tulan o miyatay na lagid bo o karoptawn a oyagoyag! ] Hadith…
So pman so Rugo na Khapakay, kagiya knaba pkhamoralai so tao ko kapkhalbati ron sa Rugo, wallahu a'lam…
No comments:
Post a Comment