SO KAPLOMPIYO SII SA ISLAM BY: ATAH P. IBRAHIM

SO KAPLOMPIYO SII SA ISLAM BY: ATAH P. IBRAHIM


So kaplompiyo na gyanan i Bontal a Marayag o kaphagoshor na go dii kapagomarg o dii kapagingd na go so magingd, na sa masa imanto na miyasogat tano a tiyoba sii ko sabaad ko mga Ingd tano a kiyasabapan sa kiyapakarata o ingaran tano sii ko miyakambalabala, gyoto so kinindaraynon'n ko kap'khalompiyowa ko mga darpa, obadi mala so katawi tano ron a so Islam na isusugo iyan so kaplompiyo sii ko pithanggisaan, so Kaplompiyo na gyanan i mapiya a bontal o Agama tano a Islam...

Pitharo o Nabi "saw"

[ إن الله تعالى جميل يحب الجمال ويحب أن يرى أثر نعمته على عبده ويبغض البؤس والتباؤس (رقم: 1742 في صحيح الجامع ]

maana: mataan a so Allah na Matanos "1" na pkhababayaan yan so Matanos, go pkhababayaan yan a maylay niyan so rarad o Limo iyan sii ko oripn yan, go ipkhagowad yan so Margn na goso Kandidirgn.

[ "1" = Mapiya i Paras ]


Go so Kaplompiyo na pd sa kakokompleto o katanos o mga Rarayag a kap'kha ilaya ko Muslim na go so kigogoris o dii niyan kapagin'tao.

Pitharo o Allah sa Quran, Soratol Moddatthir

[ و ثيابك فطهر ]

maana: go so Nditarn ka na Sotiayangka "Lompiyowangka"

Pitharo iyan pn, Sorato Al-tawbah

[ و الله يحب المطهرين ]

maana: go so Allah na p'khababayaan yan so mga tao a dii shosoti "dii mlolompiyo"

Go miya aloy sa Hadith

[ عن جابر بن عبد الله رضي الله عنهما قال : ” أتانا رسول الله صلى الله عليه وسلم فرأى رجلاً شعثاً قد تفرق شعره فقال : أما كان هذا يجد ما يسكن به شعره ؟ ” ورأى رجلاً آخر وعليه ثياب وسخة فقال : ” أما كان هذا يجد ما يغسل به ثوبه “ رواه أبو داود، وعزاه السيوطي في الجامع الصغير إلى المسند واسناده جيد ]

Pitharo o Jabir a wata i Abdullah "ra" : miyaawma kami o Rasulollah "saw" na miya ilay niyan a Mama a korngango "di matatanor a bok yan" na pitharo iyan: ba dadn a khatoon i aki anan a khitanor yan so bok yan? go miyaka ilay sa Mama a boringn i Nditarn, na tigyan a: ba dadn a khatoon i aki anan a khi pipi iyan sa Bangkala iyan anan?


SO KALOMPIYOWA KO DARPA

Pitharo o Nabi "saw"

[ البصاق في المسجد خطيئة وكفارتها دفنها رواه البخارى ومسلم ]

maana: So kadoda sa Masjid na Dosa na aya kiparat yan na so Kilb'ngnon "iplbng so doda"

Pitharo iyan pn

[ لا يبولن أحدكم في الماء الدائم الذي لا يجري ]

maana: di p'thiti so isa rkano ko ig a knaba p'thoga...

(( giya miyanga aaloy anan a Hadith na palaya dn anan Dalil sa kini saparn o Agama ko kash'bo na go so kinisugoon ko kap'lompiyo ))

Pitharo iyan pn

[ ” الإيمان بضع وسبعون شعبة أو بعض وستون شعبة، فأفضلها قول لا إله إلا الله وإدناها إماطة الإذى عن الطريق“ رواه مسلم ]

maana: so Paratiyaya na labi pitupulo pangkat, na pinaka mala-on i pangkatan na so LA ILAHA ILLALLAH, na go pinaka mababa-on na so kap'khowa-i sa ringasa ko Lalan "kalompiyowi ko Lalan.

Pitharo iyan pn

[ إماطة الأذى عن الطريق صدقة ]

maana: so kakowa-i sa ringasa ko Lalan na Sadqah "kalompiyowi ko Lalan"

Pitharo iyan pn

[ بينما رجل يمشي بطريق وجد غُصن شوك على الطريق فأخَّره، فشكر الله له فغفر له رواه البخارى ومسلم ]

maana: sii ko kaph'lalakaw o isa a Mama ko Lalan na miyakatoon sa Sapak a Surok na inilidas yan ko Lalan, na piyanalamatan o Allah na Rinilaan yan "Rinilaan o Allah sabap sa Kiyalompiyowi niyan ko Lalan.

Madakl pn a tanto a mga Dalil a makanggogonanao sa kaiiportante o Kaplompiyo sii ko Islam.

___________________________

Gyanan mga Pagari ami i so Kaplompiyo na tanto dn a Iportante ko Agama tano na mamagogopa tano sa Andamanaya i kaylaya ko Kaplompiyo sii ko mga Phagingdan tano...

Opama ka pagilaya tano so ingd tano a Marawi City na pd dn ko mga Ingd a korangon so Kalolompiyo... labaw ron sa Padi-an,,, gya bo a Devesorya i miya ilay ko a Ingd a malo on a miyaka abay ^_^ na malo tano a Mamikal ka sktano so mga Tao a da-it a ron maylay so katanos a pangilaylayan...

Balasangkano langon o Allah sa Madakl a Mapiya...