SO KARATA O KAPRIMAR A GO SO KAPANGATO BY: ATAH P. IBRAHIM

SO KARATA O KAPRIMAR A GO SO KAPANGATO BY: ATAH P. IBRAHIM

Pitharo o Nabi "saw"

[ sa tao a sumong ko tao KAHIN odi na 'ARRAF na adn a iisha iyanon na di tharimaan so sambayang yan sa Pat pulo Gawii ] piyanothol i Muslim...

Pitharo iyan pn

[ sa tao a sumong ko tao KAHIN odi na 'ARRAF na adn a iisha iyanon na pangimb'narn yan na sabnar a mimbaloy a Kafer ] piyanothol i Ahmad...

aya maana a KAHIN a go 'ARRAF na makasosold san so langon a tao a dii mangantok sa ilmolgayb, lagid opama o dii niyan pangantok so khawlawla mapita, go dii niyan pangantokn o anda miyatago so miyada, go maka sosold san pn so mga tao a mga taribulong a aya dii ran ipamulong na mga bulong a phoon sa mga Jinn na go mga Shaitan, maana : knaba mga Ayat a dii iran ipanawar, go so mga talingkata-on ka aya plagidan iran a goso talingkataon na langon siran dii mangni sa tabang ko mga Jinn.

na gya miyawna anan a Hadith na sii anan ko tao a giya bo a kiya song yan ko tao a Kahin oga-id na da niyan pangimbnara... na aya Kadosaan yan na di tharimaan so Sambayang yan sa Pat Pulo Gawii.

na gya angkanan a ikadowa a Hadith na sii anan ko Tao a somyong ko Kahin na Piyangimb'nar yan pn so pitharo o Kahin na aya kadosaan yan na mimbaloy skaniyan a Kafer, kailangan a maka thawbat sa maka kasoy sa Islam ka mimbaloy a Mortadd "KafIr"

P'D A KHITNDO KO MGA PARIRIMAR GO MGA KAHIN "MGA PANANAKOTO"

1. P'phangantok sa migagayb.

2. Makawma kawn a maki phamolong ka na ipagisha iyan i Ngaran ka.

3. Phagosar siran sa pimakam'm'sa a mga Shayi a omamanti a Bulong lagid o mga bkaw a kayo.

4. Igira na ip'shoratiran so Qur-an ko mga r'r'shik odi na aya phagosarn iran na Rugo a bae.

5. Igira a biyolongan ka iran na igira na adn ip'shogo iran rka lagid o katuro sa manok, odi na ka sombali sa Manok.

6. So kap'lalakam, iph'sorat iran so mga ayat ko dinis na diiran rka pakimbangkala odi na iphagikt iran sa Lawas ka.

7. Igira na ip'shoratiran so Qur-an ko Karatas na phangisiin iran so Karatas na thagoon ko ig na phaki inom iran rka.

8. Adn a mga Sising iran igira a miphanga-ala.

9. Adn a mga kagamitaniran a di shabotn o antonaa i pakayd yan.

10. Igira a p'phamotar odi na p'phanawar siran na sii sa poonan na Ayat a p'phakatanog'niran ka omamanti a anka mapikir a gyoto na Ayat, na sii sa kaposan na dii man'moth'mod sa katharo a dingka shabotn, na gyoto na kapanawag sa Jinn a dingka dn katawan.

11. Dingka kiran kha ilay so titho a kalk ko Allah.

12. Dii siran maki thinabanga sa Jinn, lagid o tigiran a adn a ini kadowa niyan, odi na adn a pagari niyan a Jinn odi na bolayoka iyan a Jinn, lagid pn o tigiran a ph'ndarpaan.

go madakl pn a Salakaw san...

na pananggila-i niyo so Kapakimbulong ko mga tao a lagid anan ka paka Kakapir.