SO MGA INGARAN O GRUPO A PHAKA LIGTAS BY: ATAH P. IBRAHIM

SO MGA INGARAN O GRUPO A PHAKA LIGTAS BY: ATAH P. IBRAHIM

So mga Ngaran o Grupo a phaka Ligtas go so mga Maana niyan:

 

Sabap ko kababaloy a angkai a Grupo a mawatan ko kadadagan na kinanglan so kapkhatokawi ko mga ingaran yan go so mga toos yan ka an mabaloy a ladiyawan o mga tao, sa adn a mga ngaran yan a mioombaw niyan ko pd a mga Grupo, sa aya pinaka iportante sangkai a mga Ngaran  go mga Toos na:

أنها الفرقة الناجية ، والطائفة المنصورة ، أهل السنَّة والجماعة

sa katii so mga Maana niyan:

1. الفرقة الناجية [ so Grupo a Phaka ligtas ]

maana: phaka ligtas ko apoy Naraka, sa lagid o kiyatharo-a ron o Nabi "saw" ko kiyatharo-a niyan sa langon o mga Grupo na khawlog sa Naraka inonta bo na giyangkai a Grupo.

> sa mataan a siran na kh'k'pitaniran so kitab o Allah "Qur-an" a go so Sunnah o Rasulollah "saw" go so tindg o miyanga uuna a siran so mga Muhajiron a go so mga Ansar, pitharo o Nabi "saw" [ siran so mga tao kidgiran so tindg akn imanto a go so mga Sahaba akn "ra" ]

2. الطائفة المنصورة [ So Lompokan a Tatabangan "a Allah" ]

maana: taman sa alongan a mawri na tatabangan siran o Allah sabap ko kiyatabangi iran ko Agama o Allah, sa lagid o kiyatharo-a o Allah sa Qur-an [ إِنْ تَنْصُرُوا اللَّهَ يَنْصُرْكُمْ ] o tabangi niyo so Allah na thabangan kano niyan.

pitharo o Nabi "saw" [ لا يضرهم من خذلهم ولا من خالفهم حتى يأتي أمر الله ] disiran khabinasaan o mga tao a tomiyaplis kiran na go so mga tao a sumosopak kiran sa taman sa makawma so kabaya o Allah "bangkit" ]

3. أهل السنة و الجماعة [ so mga tao a komkdg ko Sunnah "okit o Nabi 'saw' " a Maiisaisa siran ]

na siran na maka oombaw siran sa dowa btad:

a.) so kathitindgi iran ko okitokit o Rasulollah "saw" taman sa miyabaloy siran a mga tao a ayawn somisiyap, sa knaba siran lagid o pd a mga Grupo a aya thitindganiran na so mga sarag a akaliran, go so mga baya a ginawa iran, go so mga katharo o mga pupuro iran na go mga Grupo iran.

b.) siran so mga tao a masasagurompong sabap ko kaiisaisa iran ko Bnar, go knaba siran shosopasopaka, knaba siran lagid o pd a Grupo a siran mismo na didn khaisaisa, ka daa bnar a bakiran kha-ompongi, ka aya diiran dii pakapangondayaan na so baya a ginawa iran.