TOTHOLAN KO KAPANGAROMA

Pitharo iyan: Kiyasoldan akn sa kowarto imanto a Gagawii... 

Oriyano o Kiyakawing ami sa miyaka Sawlan 

Na miyama akn ah.... :'( 

Pitharo aknon: Kalma-angka, Lanat ka...

Inongka skaniyan khapili? ino bangka skaniyan kilala?

Pitharo iyan: Di akn kilala... :'(

Matag rakn bo ini recomenda o mga Ginawa-i akn :'(

So babalngan yan a ingd na mawatan sa ingd ami...

Ngaran yan na Khadijah...

Tanto akn a kiyababayaan so Ngaran yan ko kiyakin'ga aknon :(

Sako lomalakaw ako a kiyatoksami aknon na sii ko Ashrol-Awakhir ko Ramadhan

Mishambayang ako sa Istikharah...

Somiyong ako ko ingd yan a mawatan...

Piromasayan akn do kargn o kalalakaw sii ko Masa a dii kapamowasa...

tiyagotok akn so Walay...

Lominiyo so Laki niyan a miphapasada akn...

Piyaka taros ako niyan...

Na somiyold ako...

Aya oto a Oras na magaan dn so Maghrib...

Miya pansin akn a so Ama iyan na da sa Walay...

Pitharo iran rakn : Miyagi'tikaf skaniyan sa Masjid...

[ Subhanallah... Mapiya ]

Mishambayang kami sa Masjid sa Isha a go Taraweeh "Tarawi"

Oriyan yan na piyaki kilala ako ron o Pagari niyan : Kataya si Folan a so khabaya ki Khadijah...

Piyaka bulos ako o Ama iyan...

Aya kabaya akn na kambitiyara-an ami dn so Langon taman... na miyawna so Kiyatharo-a o Ama iyan sa...

Di ako khaparo imanto...

Angkayno???

Pitharo iyan: Di domada-it so Oras...

Anda manaya?

Tigyan: Magi-i'tikaf ako...

Na giya angka-i a mga kagagawii na Para bo ko tadn tadm ko Allah go mga Simba a go kabatiya sa Qur-an

Na pitharo akn: Na khapakay a maylay akn skaniyan?

Tigyan a: Oway... kabnar ka anan... Ka giyanan i sa Islam...

[ go Piyangni niyan rakn a diko dn madistrobo pharoman ko diiniyan kapagibadat

go Piyagismaylan ako niyan oriyan yan na Somiyong ko Sabala ]

Mimbalingan ako ko walay iran sharoman...

Sii sa Lalan... na inishaan akn so Laki nyan... sa p'khamamala ako...

ino si Babayngka... mala i Morays sa Qur-an???

Pitharo iyan: Knaba aya iportante na so kala i morays... aya iportante na so kinggogolalan'n ko Islam...

[ Diko katawan! ino khapiya a ginawa akn o phamagoman a dii ko kandowa dowa? ]

Hay Khadijah...

Somiyong ako kiran sa Kowarto... Da niyan baba-an a mata niyan... oga-d na sakn na Piyaki ilay akn a inibaba akn a Mata akn...

Pitharo o Pagari niyan: Knaba ini Masa a kibabaan ko mata!

[ Di ko pman katawa! ino khapiya a ginawa akn? o pham'm'sa ako Badn? ]

[ Daako mas'ndod o mga Pakaisha sa otk akn... a goso kap'kham'm'sa akn ko kapagilaya ko ron phiyapiya ]

So pure: ... na Mata-id skaniyan...

Inishaan akn: Pira i mimomorays ka Okhtie sa Qur-an?

Pitharo iyan: Juz-o 'Amma.

Oriyan yan na miyodas go Tuminind'g dn...

Na pitharo akn ko Pagari niyan a Sarta a ootgan ako sa Secreto : Ino-oto da rktano paki Ndarpa-i sa Mathay?

Tigyan: Aya bo a piphakay rka o Agama na so Ka ilayangkawn...

Na daa ko niyan dn paka pamimikira na tigyan ah: O maka Thatarosa tano na dingka dn pagilanga so Oras...

Da a kiyapasadan rkami...

Go daakn pn mapaka song roo so mga Pamilya akn...

Go da akn pn makilala a tanto... :(

Na pitharo iyan: Pagariko...Magayon tadn... pakasongangka saya dn so mga Pamilyangka ka da a Oras tano a Malayat...

Ba giya kiyapaka Omangka na dingka sisiguradon so kiph'ndolona-an ka rkami?

Oriyan yan na ini tondogiyanon: Diya mi ska phaliyogatan sa margn sii ko kambangon ka sa Walay, So pman so Mahar na katawan ka so Katharo o Nabi "saw" [ aya mala kiran i Barakat na so mayto kiran i Mahar ]

Kisokodan dn a kapaka Oma o mga Pamiliyangka sa apiya maka isa bo, Oriyan yan na p'khawing tano dn ko ikadowa iran saya shong, ka anka di tanto khapasangi...

Piyotol o Bae so bityara sa Tigyan ko pagari niyan: Thorog tano dn ka antano maka shambayang sa Tahajjod amay...

Pitharo akn ko Laki niyan a maka sisinga ako: diko katawan o ino ako maka sisinga "sabap ko miyan'g akn a katharo a angkawto a Bae"... bada a TV niyo?

Pitharo iyan a dii Shablaw: Psssst??? dika dii tharo ka makin'g ka niyan ^_^

[ So Ropaan o btadiran na Ropaan a titho dn a khipagi-Islam a mga tao ]

Oga-id na ino niyan da bitiyara-a so Langon taman?

Ino ako iran dii pamakoti???

Ba-anda badn limo iran rakn...!!! go an myato a magasto akn...!!!?

Na piyaka song akn roo so mga Pamilya akn... inonta bo na so Ama akn...

Tonganay dn a somiyangka oba maka Onot... :(

Pitharo iyan rakn: So aki so mga Wata i Bapa aka i da-it a pangaroman ka!!!

Pitharo iyan a: Naki na baka di kha-akoli na songka sandn sa Mayto anan i Mahar a dikawn khapasangan...

Paka onotangka si Ina aka!!! ka oba sakn na Di!!!

Na inowit akn kiran si Ina... Na kiyababaya-an yan si Khadijah...

Pitharo akn ki Ina: Ino miyatharo rka i Khadijah o pira i morays yan sa Qur-an???

Pitharo iyan: Da a miyatharo iyan rakn... oga-id na miya kin'g akn a dii niyan tharoon ko pagari niyan a babay a imanto a gagawi-i na examina akongka ko mga r'r'g'n a Ayat sa Soratol Ma-idah...

[ Lagid rakn o mini kolob a doniya... inowa aya pitharo iyan Rakn na Juz-o 'Amma bo a Morays yan? ba niyan mangaday phagakala si Ina??? ba niyan mangaday kiyalipatan so pitharo iyan rakn??? ]

Na miyapikir akn a shoratan akn si pagari niyan ka aniyan rakn mas'mbag angka-i mga pakaisha akn sa ginawa akn a diyakn shabotn... :(

Balabaw ron a siyangka iran dn a tanto oba ako maka kasoy pn sharoman sa aya kabasa iran na anako kon di phaka gasto sa Mala [ aya kabaya iran na p'khawing dn a tao ko kakhasoy akn pharoman ]

Go Pitaro rakn o Ama iyan: Ikaritangko... aya khababayaan ami na so Datu a khasiyap yan so Wata ami, go Diyami kabaya obaka kapasangi ko Pantag sa Tamok.

Go di ami kabaya ko bapiya antaa oba dii maka phato pato sa Walay ami...

Na pamakot ka sa kakawing ka sa maga-an, kailangan a maka oma ka, go dingkadn aawid'n a Akal so pantag ko Gasto, ka skami dn i mata-o ko Gasto i Khaidijah... tarima-angka badn anan a Gift ami... :)

Sabap ko kap'kham'm'sa akn na mishambayang ako pharoman sa Istikhara... :(

Oriyan yan na inishaan akn si Ina... Ina antona-i g'da aka sa giya angka-i a diiran kapamakoti sa Bitiyara???

Pitharo iyan: Si Ama aka i isha-ingka san...

Na pitharo i Ama: Ikaritangko... imanto na sii tano matatago sangka-i a Masa langon dn piyamaka m'm'sa...

Na Sabap ko dakadn ka-akoli na Aya da-it na nggaga-angkadn, Pamakotingka dn a bityara nyo anan... ka an makompleto a piyamakam'm'sa inin...!!!

Pitharo akn: Antonaa bs i piyaka m'm'sa sii? ba knaba aya mapiya Ko mga Pipiya a bitiyara a lagid aya na dii pamakotan???

Mikhala a dii Shodi, sa tigyan: Mapiya??? Mapiya so marayag a Marata??????

Tigakn: Oga-id na dan a miya ilay akn kiran a inonta na so Mapiya... 

Badi kiyatangka-an a giyangka-i a mga Ogop i Ama iyan a piyanothol akn rka?

Tigyan: Di dn anan Ph'nggalbk'n o Ama ko wata iyan a Phangaroman... inonta bo na adn a mapapadalm ko bitiyara a Shayi a pa-agma-an...!

Tigakn: Opama na knaba bs anan Pd sa mga Pipiya a Galbk a giyanan a diiran nggolawla-an? 

Tigyan: So aki Orak so Masa o mga Nabi na miya ipos dn!!!

[ na miyangatatatak so lo akn... miyaka gora-ok ako sa di alangalang :'( ]

[ kandowadowa a go kalk a mag'g'dam akn, sa p'phaka giraw ako a Antona-adn inin??? langon a miya ilay akn kiran na langon kai-Islami, go langon dn paparangayan a Mapiya "permiro" a so pkhabatiya akn ko mga Kitab... oga-id na tanto dn mambo a Pakam'm'sa!!! lagidoba mishobra...? go pitharo pn i Ama a adn a paagmaan sangka-i a maoolawla...!!? ]

[ oga-id na miya so-at ako ron... go taman pn sa knabo a ba tanto dn a di somasangka si Ama na karina akn anan sa kitaros'n akn ko bitiyara go thapapay ako dn ko Koris akn ] :(

Oga-id na kailangan akn pn so kashambayang sa Istikhara Pharoman :(

Miyangaroma ako dn...

Siyoldan akn skaniyan sii ko 1st night... "HoneyMoon" Oriyan o kiyalalakaw sa mawatan...

Siyalam akn skaniyan...

Miyag Smile a go simbag ako niyan...

Tanto dn a Mata-id... :(

Apiya pn dodokawan na lagid dn o Bitoon a masindaw a kapamomotayag yan...

Kiyaptan akn skaniyan sa B'n'ng...

biyatiya akn so [ ALLAHUMMA INNEE AS-ALOKA KHAYRAHA WA KHAYRA MA FOTIRAT 'ALAYHI ]

Na miyan'g akn a dii niyan dii tharoon [ JOBILAT ] lagidoba ako niyan kiyoriksiyonan...

Na kiyatokawan akn a ribat ako bs na pisharomanan akn [ ALLAHUMMA INNEE AS-ALOKA KHAYRAHA WA KHAYRA MA JOBILAT 'ALAYHI ]

Aya dn a Miya una ko ron a mi-sha na : Pira i Morays ka sa Qur-an???

Pitharo iyan: Langon akn Morays so Qur-an... Alhamdulillah...

Na pitharo akn sa ootgan ako sa Secreto: Inowa aya pitharo-oka rakn na Juz-o 'Amma bo a Morays ka???

Tigyan a: Daako maka pamrak ka bnar a Morays akn so Juz-o 'Amma ka Morays akn so Qur-an na... 

Ini tondog yanon go kiyaptan yan a Lima akn: knaba imanto Kagagawi-i a kambuno ^_^ 

wasaya... ^_^

Miyaka sawlan...

Oman kashambayangan sa 'Isha na makaturog kami... igira na malo kami dii thoday sa mayto...

Taman sa Fajr...

Da aknon dn maylay oba dii panambayang sa Sunat... go oba dii pamowasa ko kadawndaw :(

Aya bo a Galbk yan na kathatanosan a go kakhakamotan... :(

Apiya miyaka isa na daa ko niyan mapokaw sa baka mi phag Tahajjod... :(

Da niyan rakn dn mimosawer oba kami pamisita ko mga Loks akn... :(

Taman sa miyawma so gawii a nanayaw...

Miyapasad so Vication akn a sawlan sii ko Galbkan akn... :(

Miyatkaw a adn a khasongowan akn a Mawatan... dowa gawi-i a kakhada akn sa Walay...

Na maka phangungunotan ta ka Order a Mapuro... :(

Pitharo aknon a kakhada akn sa Walay...

Na aya pitharo aknon na Tlo gawi-i a kathay akn salakawan...

Na miyapasad akn so Galbk akn...

Miyaling ako...

Miyaka Oma ako sa Walay na gagawii... After 'Isha...

Tiyagotok akn so Pinto sa mananay na dadn a lomika rakn!!!

Pitharo akn sa ginawa ko: Obabadn tutuoga? Na diko kabaya oba akn mapokaw...

Giyonsi-an akn so Pinto sa Mananay...

Lika-an akn...

Simold akn...

Mimbismillah ako... Somiyalam ako sa Knaba matanog... a da a phakan'g rakn...

Pinanayan akn lom'kh'b so Paytaw...

Tomiyaros ako ko kowarto a p'phakaturogan ami a Dowa...

Sangkoto a kap'shong aknon... na miyan'g akn a Sowara niyan a maka popo-on sangkoto a Kowarto...

P'phaka ing's sa Mayto...

dii makap'rgo sa lagidoba niyan titig'ra...

Sowara a salakaw dn a kap'kha kin'ga ko ron... !!! :O

Kiyasasalakawan ako...

[ Antonaa mangaday a p'khawlawla sa Kowarto ini??? ]

Lagid o khada a Napas akn...

Inobay akn dn so Paitaw... 

Aaaah na di kagagalidan so Pinto !!!!???

Lika-an akn...

Na somiyold ako Tom'kaw....

Na miya Ilay akn so dadn sa Pamikiran akn oba akn maylay...

Dakodn mapamikir obayni mawlawla...

Khadijah...

Karoma akn... :'( :'( :'(

Bolawan sa Dar akn...

rintangi o Ginawa ko :'( :'( :'(

Somosujod sa Qiblah...

P'phamangni ko ALLAH...

Ph'nggora-ok sii rkaniyan... :'(

Ph'nggora-ok a p'shokho a napas yan... :(

Dii mamangni ko ALLAH a tanto dn a piyaka gigiyagaw... :(

Miyalanggay a kasosojod yan...

Oriyan yan na miyontod... So paytaw na sii matatampar sa Qiblah... Miya ilay ako niyan... kiyatokawan yan a miyaka Oma ako...

Oriyan yan na Mishalam...

Oriyan yan na siyongowan ako niyan a piyaka ingoma ako niyan...

Miyaka gora-ok ako... :'(

Kiyaptan yan a Rarb akn :(

Miyontod kami...

miyagdam akn a lagidoba ako Inimbawata sharoman...

Miyapaka tanod ako o Sowara niyan a Malambing...

Karoma akn andaka somiyong?

Somiyong ako sa Pantag rka na go Somiyong ako rka... :( na diko ska dn thalikhodan... :( ska i onga o Puso akn... dika khada sa Ginawa ko taman dn sa kapatay... Bolawangka ki ladan... ska i lilang akn a diko dn plipatan :(

Inilay akn skaniyan...

Tanto dn ko maka tata-id...

Khadijah... karoma akn... Barakallaho Feeki... giya miya ilay ko aya imanto na dako dn ma ilay...

Pitharo iyan: Karoma akn a pkhababaya-angko... opama na aya bs a kabaya aka na gop'n tadn kiyawing na baakodn phanahajjod a go phamowasa? sii ko HoneyMoon ta?

Aya pinaka mala a So-aso-at o Bae ko Allah sii ko gopn yan kapaka pangaroma na so kaso-ata niyan ko pangilaylayan i karoma niyan...

Tigakn: Oga-id na apiya miyaka Isa na dangka rakn dn matharo obata Pamisita ko mga Loks akn... :(

Miyaka Singa :)

Opama na sakn i Phamamando rka? ^_^

Ayaw kong isipin mo na ayaw kong kasama ka kahit isang minuto lang...

Oga-id na igira a miyamisita ka kiran na tanto ako dn a pkhababaya...

Na so Kiyalalakawngka... na miyatangkd sa Ginawa ko a mimbalingan so Andang a kalalayaman a kawyagoyag... na Kiyasoyan akn pman so mga Galbk akn ko datapn kapaka thapi...

Ipo-on imanto...

Na preparado kadn ko Kapagnaw a lo-ok a gawi-i sa kapanahajjod... :)

Ka odi ka pagnaw na shagopan akn ska sa ig... :)

Miyaka ginawa ako sa Mala...

Oriyan yan na Pitharo iyan: Adn a Rata a ginawa akn rka :(

Pitharo akn: Antonaa?

Tigyan: Amay ka adn a siyongowan ka na igira a khasoy ka na panamaringka i dawndaw a kapaka omangka sa Walay...

Angkayno???

Pitharo iyan: Giyanan i Adat a ini pang'nda-o o Nabi "saw" ko tao a ph'lalakaw...

Pitharo o Nabi "saw" [ igira a miyaka oma so isa rkano phoon ko kiyalalakaw niyan na diniyan pthagotoka so walay niyan a gagawi-i, ka an dii maka preparado sa mapiya so Karoma niyan ]

Kagiya aya dait ko Bae na igira a da sa walay si Karoma niyan na didn pthatanosan... aya bo a dii niyan kathatanosan na para ki karoma niyan...

Miyaka ginawa ako pman sa Mala... Bolawangko... imanto na ska i pinaka mataid sa pangilaylayan akn ko langowan a mata-id... miyagdam akn a kamimilikan akn so pinaka mala i arga a Igagadong sa Doniya, Oway... skiyan i pinaka mapiya ko Doniya... 

[ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا ]

Kadnan ami... baloyangka rkami so mga Karoma ami a goso mga Mbawata-an ami a ikapipiya a ginawa ami "Tihaya o mga Mata ami", go baloya kamingka a khawnotan o mga tao mala-on so kalk ko Allah...