THOTHOLAN KO KAPYA O KAPHKHABABAYAI KO MGA WATA A ILO BY: MUHD RAYYAN

THOTHOLAN KO KAPYA O KAPHKHABABAYAI KO MGA WATA A ILO NA GOSO DIIKIRAN KIPANGALIMOON. 

GIYANGKAI A THOTHOL NA PYOR A MYANGGOLAOLA NAGO BAGOPN SO KYANGGOLAOLANYAN:

NAME: AMAL ABDUL FATTAH: 8/5/2004  

  AYA DII SAYA MANOTHOL NASO MYAKAPANGAROMA SANGKAI A BAE: 

Sakataw a bagowataw a skanyan na dii clas sa pharmacology. 

myailayakn skanyan na kyababayaan akn skanyan sa dii akn matharo sa ginawako a inshaallah na miphagpdaakn skandn ko kaoyagoyag akn, gyankoto a bae na tanto akn a kyababayaan ko diinyan kapagagama nago goso kapyanyan i paparangayan a gyoto i minindaoran o mga loksyan sii sa walay iran, na myoomanompn so inibgayron o allah a kataid a knabaskanyapn dii thathanosan na tonganayron a lomalangka so kataidyan.

pakagaanta sa myanoksam ako na mpyapangaroma akn skanayan sabap ko limo o allah, na myagdamakn a mataan a so allah na began akonyan sa bae a khaogopanakonyan ko galbk akn sa lujna!! inisabap o allah siirkanyan a makagnk akodn manigopan nago kagnkan akn so langowan a mga galbk a mga rarata, aya olaolanyan na so langowantaman a galbk akn na diyakonyanon mblagn, sa diyakonyan dii pangoyatan nago pthoroon akonyan ko kapakaontol phyapya o galbk akn.

na aya pagampaganay a minipando iyan rakn nago kayabnaranakonyanon naso kinggolalanun ko sambayang sa siipn sa masjed. inipangdaonyan rakn so sambayang a istiha'ra igiramanoto a dyakn katawan i philiin akn ko dowa a mga shay a phnggalbkn akn, myagaganyan a myapaki moriziyan rakn so mga tadntadn ko allah ko kapipita nago khagabi nago so dii pamatiyaan igira a phakatorogta, ayadn a myambtad akonon na datar o wata ko inaiyan go tantodn a madakl a minindaonyan rakn a mga pipiya, sabaproo na tonganyakn skanyan a phkhababayaan na myakarani akopn a tanto ko mga loksyan.

na sii sangkoto a kyaclose akn kiran na kyatokawanakn kiran so maana a kaphkhababayai ko katagikora ko mga wata a ilo nago so mga lagid anan a kapangalinggagaw nago kapangalimo a dadn a myailayakn a lagidiran.

gyangkoto a pamilyanyan na pdsiran ko mga ala a padagang sanditarn na aya olaolairan a na oman sii ko ashrol awa'kher sii ko ramadan an phthimoon iran so pd ko mga daganganiran a mgangditarn ago mga gitagita a wata a pdiran so mga alamambo i gagaw ko mga padagang na phthimoon iran sangkoto a isa a gardin na phphakisongowaniran so mga wataa ilo na phphamuganiran so oman i sakataw kiran sa mganditarn ago mga gitagitaan. na gyangkoto a bai na diskanyadn zong sa class igira a lagid oto a masa ka pangaliiyan obaon di makaogop sangkoto a kipphangalimoon sa mga wata a ilo na go banyan siran di kambabantay sangkoto a kasosonor iran na pagogopanyansirampn ko diiran kanggitagiat, pagogopanyan siranko diiran dii kapamimili sa mga nditarn iran na diinyan kiran dii ipanaks so mganditarn na so mga wata na phngganatsiran sa ayabo a katatadman iran na gyangkoto a bae.

phkhatanodanakn a myakaisa na sii ko khapagogopinyan kiran sa dataroto a galbk na adn a sakataw a wata a aya ngaranyan nasi CIRA'M na kaolit angkoto a wata na daa khatoonyan ko mgangditarn a khasokodanon na gomiyoraok angkoto a wata na iphzinga o mga pdiyan na siyongowanyan na iniphramisyanon a makaphsonordn sa datar a kasosonor oto a mga layokyan, na payakaonyan sii ko tinda o mga loksyan na pyakapamimiliiyanondn na dadn a myailayakn a kasosonor a wataa ilo a banyan kalawane a kasosonar angkoto a wata, na bayaadanyan angkoto a langon a kinowangkoto a wata. na pdpn sa tonganayan a kaphkahababayai ko mga wata a ilo na kominowa skanyn ko mga wata a ilo sa tiyagikoryan a aya ngaranyan na si ISA'M na gyangkoto a wata na skanyandn i diiron gasto ko oman saolan na phphmasaanyan so langon o mga kailanganyan , na iphmbtlyan ko totorilanon sa oman alongan a khamis ko oriyan o kapasad o class na phphakaonotnyan sa walay na roonyan phphakaigaa na diinyan rakn panotholn o andamanaya i diinyanon kapanotholi sa mga thothol sa taman sa torgn angkoto a wata na skanyan na moontod na t't'n'tnganyan a phnggoraok sa kapdi sii sangkoto a wata sa taman sa panonoron skanyan mambo, tantonyan a pananamaran a kipaagpdaan ami sangkoto a wata a ilo ko diiami kapangadi sa mga pandoan ko islam mga dars sa phphakiilaynyan rkami oto ka kalokalo na katagoankami sa babaya sa katagikora ko mga wata a ilo na myaka apas angkoto a arapyan ka myabaloy kami a pd ko diinggarantor ko dii kaphthagikora ko mga wata a ilo na myabaloy so galbk ami a mapya a pd ko timbangan o mga glbkyan a mapya, gyangkoto a bae na skanyan i pagampaganay a mimbaal sa comtibution a mala sa level o 5 a mga group a para oko college a rk o mga wataa ilo sa sarta a kiphmbagan ko iftar iran ko oman ramadan sii sangkoto a toriliran.

na last a myanggalbkyan ko danyampy kawafat na tyanoryan so maka prehla kami sii sangkoto a toril a mga aytam na sarta a pyamganyan sirampan sa mga pamumugayan a aya kadakl angkot a mga wata na 150 a wata a ilo.

gyangkoto a mga gawii i pd ko pinaka mapya a mga gawii rakn a somyagad, ogaid na kabaya o allah a kawafat angkoto a bae sa minisabap sa kadisgrasya sa trak sa kababantayanakndn so myanggolaola na mindod skanyan ko kadnyan na minibagyakn so mga taw a tantodn a myarata a ginawanyan, a sakn i pagampaganayaron sa dyakandn khagaga lomino so pangnungkn ko myaka pito gawii, na tiyalikodangkodn so mga taw taman sa kayatadman nakn so gowani a diinyan rkan tharoon so katarimaa ko mga okoran o allah na myakagoraok ako sa sangat na myakapagistegfarako ko allah na iniphramis akn sa ginawakn a lalayon akn phphangninko allah a baloyn ko allah so koboryan a sormbi o sorga sa pakaphantawnyan ko jannatol firdawsil a'la. :'(

na sii ko myaka pira gawii na somyong ako ko shaikh Dr: a dii ami pangadian, gyankoto a shaikh na lomalangkaon so kalk nago paratiyaya ko allah na sii ko danyampn kaphoon mangdao na pitharoiyan rakn a adn a phtharoon akn rka a sigorado a phakapyaon a ginawangka!! na tigakn a antonaa oto? tigyan a sabnar a phthaginip akn so rasolollah saw" sa myaka dwa, na aya ikatlo na kagai na sabnar a myailayakn si AMAL "goyoto so bae a yawafat" a myakaoma rakn na pitharoiyan rakn a: antonai masosowaiyo? na pitharo akn a mapya ogaid na badi khapakay a pakaonotn akonga ko rasolollah saw"? na pitharoiya a di! sayakanodn, oryanyan na tyalowan skanyan o rasolollah saw" na lomiyalakaw sirandn na mayakanawakomabmbo, ka myanugakn so bang sa subh na mizambayang ako na inipangni akn skanyan sa kapipiya ginawa taman sa somibang so alongan, byantogakn so allah sabap sa katawan akn aso dii kathaginpa ko rasolollah na di miphanyaropa o shaithan. sabnar bnabnar so katharo o rasolollah saw" sa kyatharoanyanon a :{ sakn a tigyan ago so phthagikor sa wata a ilo na lagid kami aya a sold ko sorga! sa paka pagoobaynyan so tindoroiyan agoso lomalabawnyan} nanao sa kaphrnganiran agoso rasolollah sa kazold ko sorga..

ya allah na lidasnkamingka ko kambaradosa nago pakasoldakamingka ko sorgaaka..

allahomma a'ameen... :'(