MAKMPT A OSAYAN KO DII KANDATO O MGA MUSLIM BY: ATAH P. IBRAHIM

MAKMPT A OSAYAN KO DII KANDATO O MGA MUSLIM BY: ATAH P. IBRAHIM

بسم الله الرحمن الرحيم

Paganay ron:

* So kokoman o katagoi sa khawnotan ko Mga Muslim:

miyagayonayon so langon a tao a magiingaran sa Muslim, mga Ahlu Sunnah taman ko mga Shi'ah sa so katagoi sa Khawnotan ko mga Muslin na Wajib.

inonta bo na so sabaad ko mga Khawarij ka aya tindg iran na di Wajib oba adn a mituro a khawnotan.

pd a Dalil anan na so katharo o Nabi "saw" [ إذا خرج ثلاثة في سفر فليؤمرا أحدهم ] piyanothol o Ahmad, pitharo i Albani: mabagr a Hadith.

pitharo i Ibn timaiyyah "r" ( o miya wajib ko matag tlo katao a makaturo siran sa khawnotaniran na ayapn so isa dn ka pagtao ? )

الحسبة لشيخ الاسلام ص/11

* So kiya baloy o AbuBakr "ra" a Datu o mga Muslim:

aya kiya baloy niyan a Datu o mga Muslim na piyagayonayonan [ ijma' ] o langon o mga Sahaba "ra" sabap ko madakl a Dalil a go Karina...

pd a Karina:

miyaka isa na adn a babay a somiyong ko Nabi "saw" a adn a piyangni niyanon, na tigo nabi "saw" a Kasoy ka bo, na tigo Babay ah: na odi ko ska mawma? "o mawafat ka" na Tigo Nabi "saw" [ o di akongka mawma na sii ka song ko AbuBakr "ra" ]

piyanothol i Bukhari go si Muslim.

> so pman so kasosopaka san o Mga Shi'ah na didn kailangan oba phagosaya ka katawan tano a mga Kafir so mga Shi'ah na basta a katharo iran na dadn a bali niyan.

* So kiya baloy o Omar "ra" a Datu ko oriyan o AbuBakr "ra":

aya kiyabaloy o Omar "ra" na inithanan o AbuBakr "ra" sii ko kaphatay niyan a aya ron makasambi na so Omar "ra"

sii ko kaphatay o AbuBakr "ra" na somiyongon so Mga tao, na tigiyan kiran a, hay mga tao, adn a ipthanan akn rkano a phakasambi rakn sa angkai a kababaloy a Khalifah, ino magiyog kano? na tig o Ali "ra" [ di kami pagiyog inonta bo na so Omar "ra" ]

أسد الغابة 4/169

* So kiya baloy o Othman "ra" a Datu ko oriyan o Omar "ra" :

so kaphatay i Omar "ra" na tinimo iyan so n'm 6 ka tao a malalamba ko sapulo a miya aloy o Nabi "saw" a mga tao sa Surga, pitharo o Omar "ra" [ miyatay so Nabi "saw" na masoso-at kiran ] siran so: Othman ibn 'Affan, 'Ali ibn abi Talib, Talha ibn 'Obaidillah, Zubair ibn Al'awwam, Sa'd ibn Abi Waqqas go si 'Abdurrahman ibn 'Awf "ra".

na da niyan maraw oba skaniyan i pamili kiran sa sakatao, na aya pitharo iyan na pagopakat siran sa kailangan na isa kiran i khabaloy a Khalifah na sa phagayonayonaniran na gyoto dn.

na miya taayon siran sa aya domada-iton na so Othman ibn 'Affan "ra".

مناقب الشافعي 1/434-435

* So kiya baloy o 'Ali "ra" a Datu ko oriyan o Othman "ra" :

so kiyapataya o mga Khawarij a miyangasosogat a Morka ko Othman "ra" na mithimo timo so mga Tao ko 'Ali "ra" sa initgl iranon so Kadatu apiya di niyan kabaya ka kailangan na katagoan sa Datu so mga Muslim na miyatarima iyan.

السنة للخلال 2/416

pitharo i Zuhrie "r" [ sa masa oto na si Ali "ra" i pinaka mapiya a malalamba ko mga Sahabah "ra" ]

الاعتقاد للبيهقي ص 523

> na sabap sa so Othman "ra" na thngd o Mo'awiyah "ra" na so Mo'awiyah na kapapantagan a Governador sa Sham na aya kabaya iyan na masaop a daan so Othman go bo tumoro a tao sa Khalifah na kagiya mini bulog so mga tao sa Madina a miyaka bgay siran sa Bay’ah ko Ali “ra” na tig o Ali a magisaisa tano daan na go tan obo saopa so Othman ka imanto na makalolobay tano, na so mga Khawarij na tanto siran a ndadakl, na gyoto I kiyapoonan ko da kapaka shinabota o Ali a go so Mo’awiyah “ra” a piyakambals o Mga shi’ah sa aya kon a kabaya o Mo’awiyah na skaniyan I ma datu, miyasogat a Morka so mga Shi’ah.

Taman sa sii ko kiya patay o ‘Ali “ra” na miyadatu so Mo’wiyah ka piyagayonayonan pman o mga tao.

NA KAGIYA MIYA GIYANAN…

Na aya pakaisha o Sabaad na ino oto ka so kaphatay o Mo’awiyah “ra” na inithanan yan a aya ron maka Sambi na so wata iyan a Yazeed???

Mga Pagari ko, pd anan a iphagataki o mga Shi’ah a go so Sabaad ko mga ikhwan ko Mo’awiyah “ra” na mala anan a karibatan, kiyasukodan a so Mo’awiyah “ra” na Sahabie na inisapar o Nabi “saw” so kapamaawingi ko mga Sahaba “ra”, pitharo pn o Nabi “saw” [ langon o mga Sahaba na phaka sorga ].

So pman so Yazeed na so mga dosa niyan, so mga karibatan yan lagid o kiyapaki bunoon yank o Husain “ra” na karibataniyanoto, daa laboton I Ama iyan a Mo’awiyah “ra”.

Aya thanodan tano ron na knaba Sahabie so Yazeed.

Ikadowa na gyanan na isusurat dn o Allah a kha-olawla, miya aloy dn anan o Nabi “saw” a gyanan I khawlawla, Pitharo o Nabi “saw” [ الْخِلَافَةُ ثَلَاثُونَ سَنَةً، ثُمَّ تَكُونُ مُلْكًا ]

Maana: so Khilafah ko oriyan akn “tigo Nabi saw” na 30 years, oriyan yan phmbaloy a Monarchy odi na Kingdome!

piyanothol I ibn Hibban, 15/392

na So kiyandatu o AbuBakr "ra" taman ko kiyandatu o Ali "ra" na 30 years langon, bali sii miyapopos so Khilafah a miya aloy o Nabi "saw" ko kiyapatay o Ali "ra" na sii pman miphoon so Monarchy ko kiya datu o Mo'awiyah "ra"

Aya maana niyan na katawan dn oto o Nabi “saw” na da niyan oto pakarataa. Aya diron salakaw na  inisugo iyan pn so kapangungunoti ko Datu.

* SO OKIT A KAKHABALOY O TAO A DATU O MGA MUSLIM A WAJIB A KAPANGUNGUNOTAN:

1. Maka okit sa الاستخلاف opama na mithanan o Datu o antaa I phakasambion a dumadait ko kadatu, lagid kini thanan’n o AbuBakr “ra” ko Omar “ra” go lagid o kini thana’n o Mo’awiyah “ra” ko wata iyan.

Aya Dalil a kapapakay anan na : [ so kini thanan’n o AbuBakr “ra” ko Omar “ra” ]

2. Maka okit sa الاختيار opama na so khapili o Madakl a tao, lagid o kiya pilia o mga tao ko AbuBakr “ra” go so kiyapilia o mga tao ko ‘Ali “ra”

3. Maka okit sa التغلب maana: Kapamgs, mapgs o Mama so mga Muslim, aya Sharat na giya angkawto a Mama na Muslim, na mapgs yan so mga tao a skaniyan I phndatu, na khabaloy a Datu a wajib a kapangungunotan.

Aya Dalil san na so IJMA’:

Pitharo o Ibn Hajar “ra” [ sabnsabnar a miya IJMA’ “miyagayonayon” so langon o mga ala a Ulama a wajib a kapangungunotan sa Datu a miyakapgs, go wajib so Kanjihad o osugo iyan ]

{ Aya IJMA’ sa ISLAM na : So kiyataayon odi na kiya opakat na kiyapamagayon o mga Mamponya ko ILMO na go PAMIKIRAN ko mga Umat o Nabi “saw” sii ko kokoman a mappnto  sii ko masa a mappnto ko oriyan o kiyapatay o Nabi “saw”. }

SO DALIL SA WAJIB SO KAPARATIYAYA A KO DATU A MUSLIM, MLAGID O MAPIYA A DATU ODI NA MARATA A DATU:

pitharo o Nabi "saw" [ pinaka mapiya ko mga Datu iyo na so pkhababayaan yo na go pkhababayaan kano niyan, na go idiikano niyan indowaa na go dii niyo mambo indowaa, na pinaka marata ko mga datu iyo na so ipkhagowad yo na ipkhagowad kano niyan, go dii niyo ipamaninta na diikano niyan mambo ipamaninta, pitharo mga Sahabah "ra" : ya Rasulallah bakamiro di makipthidawa??? tigo Rasulollah "saw" : Di !!! taman sa dii kano niyan pn paka shambayangn ! amay ka ipkhagowad yo so galbk yan na kagowadn yo dn ogaid na wajib rkano pn a kapaka pangungunotan yo ron ] Rawahu MUSLIM 9/403