WASIYAT KO MGA KANGODAAN BY: MUHD RAYYAN

WASYAT PARA KO MGA PAGARI AKN A MGA KANGODAAN ANA KAROMANYAN ANTAWAA KA DA, BY: MUHD RAYYAN



alhamdulilillahe wabehe nastaeen wa alayhe natawwakal wabaad;

sayana a mpya a kailayangka sii ko kangodaan a lomalangkaon so mga ropaan o mapya a olaola nago galbk, ilalangkaiyan so okit o phkhababayaanyan a nabe a so muhammad saw" sii ko kaiilayaon o mga taw, na kyatokawan ko mga taw so kabaraadatnyan ko salakaw di salakaw, nagoso kapyanyan i kapakindodolona, dii mamili sa mga layokyan sa aya phphiliinyan kiran naso mapyakiran..

ogaid na mga pagarikolay na aya pinamapyasan na so kababaloy o igagabnyan a olaola na mas mapya adiso papayagnyan, so kindolonaanon sa secreto na mangongarngkaon so sarig adiso ipapayagyan.

pagarikolay a kangodaan: kapdipdikabo na pananggilaingka oba mabaloy so kadnanka a siikanyan maiilay ko ropaan a daa babayaaka ko ikhasoatyan rka, ropaan a phzopakn ka skanyan na aya phagonotanka naso sogoanrka o shaitan.

pitharo i shaikh sahanoo'n ikalimo o allah skanyan : pananggilaingka obaka mabaloy a ridoay o iblis sa mapayag na bestfriedka sa masoln.

mataan pagarikolay a so mga dosa a phkhaadn ko secreto a dii kandolona o babay ago mama sa kakhabayai na pd ko myamakalala a phmakabinasa ko amal, phkhatotongyan so mga pipiya a galbk. pitharo o rasolollah saw" :( mataan a katawan akn so pagtaw a pd ko mga Ummatakn a siran na khitalingoma iran sa alongan a maori so mga amaliran a mga pipiya sa aya kapanga alaiyan nandadatar a palaw a TOHA'AMA "isaana a myakalala a palaw" a gyangkoto a mga amaliran na mga popoti " nanao sa kapyanyan a mga amal" na khikayambr angkoto a mga amaliran sandadatar o kolpong!!! na pitharo i sawba'n a hay rasolollah: ropaankarkami angkanan a mga taw ka angkami kiran di khapd!? nategyan a: badi gyangkanan a mga taw na mga pagaritano siran na diisaran magamal ko mga kagagawii sa datar o diinyo kapagamal, ogaid na siran na pagtaw siran a igiran a minisibay iran so mga isasapar o allah na diiran diinggalbkn!!!!.

na pagarikolay bangka khabayai a mapdka sangkanan a mga pagtaw a khailangkiran so mga galbkiran a mga pipiya sa daa bairan myaparoli ko mga galbkiran inon so kyargnikiran agoso kyadokawikiranon. pagarikolaya mataan a so kangodaan a iphkhalkyan so allah sa masoln na bagianyan so rila nago balas o allah. pitharo o allah sa qur'an: { matan a so siran oto a iphkhalk iran so kadnaniran sa migagayb na bagianiran so rela nago so balas a mala, goso kisolnun iyo ko mga katharoiyo agoso kipayagnyoron na mataan a so allah na katawanyan so madadalm sii ko mga rarab } soratol mulk (12). 

pagarikolay igira a kyaklban rka so paytaw nago myarinding rka so mga rowasan nago myakaligtaska ko pangilailayan o mga taw na tadmingka so daa a baron maphagma a secreto, tadmingka so allah a apya so kaphlalakaw o maitm a pila ko maitm a lakongan ko ikapat a taling ko d'l'm na phkhanugyan nago phkhailaynyan. 

mataan pagarikolay: a iphkhalk akn rka oba anda i kataamingka sangko a marata a isasaparka o kadnan ka na mataamka angkoto a mapya iphapharason o iblis na dingkadn magaga obakapn makambaling ko ontol sa datar o kyazinagadiron o kadaklan ko mga kangodaan.

pitharo i ibnol qaym a miyasoat so allah siirkanyan a: myagayonayon a tigyan so mga taw a myamanabot, mga ulama goso myamaka experience a so kapakindodolona sa secreto ko mga babay na a onayan o kaphkhakled o mapya a galbk, na somambo so kasimbaa ko allah sa secreto na aya onayan o katikna o kalk ko allah.

go pitharo i ibno rajab ra" a : aya tigyan a so kaposan a marata na phkhisabap anan ko dii kambaradosa sa secreto o orepn a di khailay o mga taw.

RELAAN TANO O ALLAH NAGO SIYAPN TANONYAN NAGO OGOPANTANONYAN SA KALALAYON O MGA PUSO TANO KO BABAYA KO MGA SIMBA KO ALLAH..

ALLAHOMMA A'MEEN.