'AQEEDAH [ PAKAISHA GO S'MBAG ] BY: MUHD RAYYAN

'AQEEDAH [ PAKAISHA GO S'MBAG ] BY: MUHD RAYYAN

[ I ]

1- antonaa i mga unayan a tlo 3 a wajib so katawiron o manosya?

- smbag: gyanan so 1) katokawi o oripn ko kadnanyan. 2) goso katokawi o oripn ko agamanyan. 3) goso katokawi o oripn ko nabinyan a muhammad saw".

2- antai kadnan ka?

- skanyan so pzimbaan akn a daa zimbaan a salakaw rkanyan, sabap ko katharo iyan { so langowan o bantagan na rk o allah a kadnan o langowan a kaadn }. so langawantaman a salakaw ko allah na kaadnyan na pdako ko kaadn o allah..

3- antonaa i maana a " RABB" ?

- maana: datu a maka mimilik a phzimbaan a aya diinggiragiray ko langowan a dii manggolaola, a ayabo kapapatotan ko simba.

4- antonai sabap a kyatokawingka ko kadnanka?

- kyatokawan akn skanyan a kadnan akn sabap ko mga tandaiyan na go so mga kaadnyan, pd sa tandaiyan naso kagagawii agoso kadaondaw, so alongan nago so olan , goso kyaadnanyan ko mga langit a pito lapis ago so lopa a pito lapis nago so nganin a mapapadalm ko pagltaniran a dowa, pitharo allah sa qur'an:{ go pd ko mga tandaami naso kagagawii agoso kadadaondaw, go so alongan ago so olan, na dikano sojod ko alongan nago dikano sujod ko olan na sujodkano ko allah a so myadn kiran a dowa, opama ko skano na ayanyobo zimbaan na skanyan a allah} possilat(37).

go pitharoiyampn:{Mataan a aya Kadnan iyo na so Allāh a so inadn Iyan so manga langit ago so lopa sa nm a manga gawii oriyan iyan na miphan-taw ko kaporoan 343 o Arsh a ipthambon Iyan so kagagawii ko kadawndaw ago pthondogn iyan sa magaan ago so alongan ago so olan ago so manga bitoon na giimangongonotan sa sogoan Iyan, tanodan a rk Iyan so kiapangadn ago so kasogo a miasotisoti so Allāh a Kadnan o manga kaadn} al-'a'ra'f (54)

5- antonaa i agamangka?

- aya agama akn naso islam , so islam na skanyan so kapnanangkopan ko allah na go so kapangongonotan sii rkanyan a allah sa skanyambo, na go so kaawata ko kapanakoto. pitharo iyan a kadnan akn a allah

:{ ayaboma a agama o allah na so islam } al-imra'n (19). go pitharoiyampn : { sa taw ambabanogpn sa salakaw ko islam a agama, na dirondn oto khatarima na skanyan sa alongan a mawri na pd ko myanga lalapis} al-imara'n (85). go pitharoiyampn : { imanto na tyarotop akn rkano so agamanyo go kyomplito akn rkano so limoakn nago inikasoat aknrkano so islam a aya nyo agama } al-ma'ida( 3 ).

[ II ]

1- antonaa i pyanagombalayan sangkai a agama a islam?

-smbag: pyanagombalay angkai a islam sa lima a mga rokonyan:

1) so khazaksiingka sa mataan a daa kadnan a bnar a rowar ko allah, nago mataan aso Muhammad saw" na sogo o allah.

2) so kitindgn odi na kinggolalanun ko sambayang.

3) so ikitonain odi na kibgan ko zakat o tamok.

4) so khapwasai ko olanolan a ramadan oman maoma.

5) so kapag hajj sa baytollahel haraam.

2- antonaa i phmbthowan sa i'ma'n?

- smbag: aya phmbthowan sa i'ma'n na gyaa:

1) so kaparatiyaangka ko allah.

2) so kaparatiyaangka ko mga mala'ikat o allah.

3) so kaparatiyaangka ko mga kitab a initoron o allah.

4) so kaparatiyaangka ko mga sogo mga "Raso'l" o allah.

5) so kaparatiyaangka ko alongan a maori, ko langon a khaolaolaon.

6) so kaparatiyaangka ko okoran: mapya a okoran ago marata a okoran.

3- antonaa i phmbthowan sa kaphyapya" al-ihasa'n"?

- smbag: aya phmbthowan sa kaphya pya naso kasimbaangka ko allah sa datar obangka skanyan phkhailay, na odingka oto khagaga na so kapipikirangkaon a phigilainkanyan ko diingka kanggalbk.

4- antawaa i nabengka?

-smbag: aya nabe akn naso: Muhammad a wata i abdullah a wata i abdul muttalib a wata i ha'shem a si hashim na skanayan i ggraran sa quraysh, a so mga koraysh na pd kombawataan o kina'na, a si kinana na pd ko mga arab, naso mga arab nambawataan ko nabe a isma'il asw" asi isma'il na wata o ibra'heem asw" asi ibra'heem na pd kombawataan o nabe a No'h asw"

5- antonai i poonan a kyanabe o Muhammad saw?

-smbag: aya kyanabenyan na sii ko kinisogoon o allah ko malaikat a jabreel a itoronyanon so katharo o allah a { BATYAKA HAY MUHAMMAD}. soratol alaq.

Na aya kyarasolyan na so kinitoronon o ayat a { HAY SOMOSOL NA TINDG KA NA PAMAKAIKTYARKA}. soratol muddather.

[ III ]

1- antonaa  i'mbedaan o "TAWHEED AL-ROBO'BIYA" ago so " TAWHEED AL-OLOHIYA"?

- Smbag: Aya phmbtowan sa "TAWHEED AL-ROBO'BIYA" naso kapakaisaisaa ko allah ko mga galbkiyan, lagid o kyapangadnyan, so diinyan kapririzki, so kambabayaiyaniyan ko kapangoyag nago kapamono, so kaphphakatorona ko oran, so kaphphakathoa ko mga mangngto sii ko lopa, so dii kanggiragiraya ko langowantaman.

Ayapman a phmbthowan sa " TAWHEED AL-OLOHIYA" naso kapakaisa isaa o oripn ko mga galbkyan a mga simba a blowinyan a palayadn oto para sii ko allah: datar o kan dua', so kalk na skanyambo i ikhalk, so kapangangarapan na parabo rkanyan, so kazarakan na siirkanyambo, so kapanombali na siibo ko ikhasoat o allah, goso salakawsan a mga simba.

2- Ino ba pagoyaga o allah so mga kaadn ko oryan o kyawafat iran? ino banyansiran phamagitonga ko mga galbkiran a mga pipiya ago mga rarata?ino ba phakasold ko Sorga so taw a myangongonotan ko allah? ino so taw a inongkiryan so allah go inipanakotonyan ba pakasold sa naraka?

- Smbag: OWAY. palayadn ana mga dalil anan sa Qur'an ago sii sa Hadiths. 

3- Antonaa i barangan o kamomonapiki ko taw?

- Smbag: dwaanan barang:

1) Nifa'k I'tiqa'di: gyangkai a classy a kamomonafiki knabaskanyandn muslem, na so makazisipaton na siidn khaphozang ko ampas o naraka jahannam. pitharo o allah pantag kiran:{ mataan a so mga munafik siidn khatago ko ampas o naraka jahannam }. naujo bellah.

2) Nifa'k Amaliy: na adn a hadts a myaaloy o rasolollah saw" a tigyan:{ patbarang a sadn sa katatagoanon na skanyan munafikdn a pyor, na sa makasisifat ko sabaadn na adn a sifatyan a kamomonafik taman sa dinyan gnukan! : 1) igira a dii manothol na dii mamokhag. 2) igira miphasad a diindorat. 3) igira a dii makimbono na diimbaradosa. 4) igira a siyarigan na dii traydor.

4- Antonaa i kokoman o taw a diinyan pakambokhagn so kapagayaga o allah ko mga kaadn sa alongan a mawri?

- smbag: aya kokomaniran na mga kafersiran. pitharo o allah sa qur'an: { tatangkdn o mga kafer a disiran pagoyagn ko iriyan o kyawafat iran!! tharo angka ya Muhammad a kna ka mataanko kadnan akn ka pagoyagnkanodn na oryaniyan na phanothln rkano so pinggagalbkyo, gyananman na myakalbolbod sii ko allah } soratol najm (31).